కేసీఆర్ తొవ్వలోనే..

ఆధ్యాత్మికతలో తెలంగాణ సీఎం రేవంత్ రెడ్డి

- 

• కేసీఆర్ తరహాలో ఆలయాలకు ప్రాధాన్యం

• ఆలయ కార్యక్రమాల్లో చురుకుగా రేవంత్

• యాదాద్రి, భద్రాచలం, బాసర అభివృద్ధి పనులు

• మొత్తంగా రూ.700 కోట్ల వ్యయానికి ప్రణాళిక

• బాసర ఆలయానికి రూ.225 కోట్ల నిధులు ఆలయంలో ప్రత్యేక పూజల నిర్వహణ

• త్వరలోనే జిల్లాకు యూనివర్సిటీ మంజూరు

• పలు అభివృద్ధి పనులకు రేవంత్ శంకుస్థాపన

తెలంగాణ రాజకీయాల్లో ఆధ్యాత్మికత మళ్లీ చర్చనీయాంశంగా మారుతోంది. రాష్ట్ర పాలనలో భాగంగా ఆలయాల అభివృద్ధి, పూజలు, యాగాలకు ప్రాధాన్యం ఇవ్వడం కొత్త విషయం కాదు. గతంలో కల్వకుంట్ల చంద్రశేఖర్ రావు హయాంలో యాదాద్రి వంటి ఆలయాలను భారీ స్థాయిలో అభివృద్ధి చేసి, ఆధ్యాత్మిక కార్యక్రమాలకు ప్రత్యేక గుర్తింపు తీసుకొచ్చారు. ఇప్పుడు అదే దారిలో ముఖ్యమంత్రి అనుముల రేవంత్ రెడ్డి అడుగులు వేస్తున్నట్లు కనిపిస్తోంది. ఓంకారేశ్వర ఆలయ శంకుస్థాపన నుంచి భద్రాచలం సీతారామ కల్యాణం, బాసర సరస్వతి ఆలయ "అభివృద్ధి పనుల వరకూ చురుకైన పాత్ర పోషించడం రాజకీయ, ఆధ్యాత్మిక కోణాల్లో ఆసక్తికర చర్చకు దారి తీసింది. ఇది నిజంగా ఆధ్యాత్మిక అభిముఖతేనా? లేక ప్రజల భావోద్వేగాలను ఆకర్షించే రాజకీయ వ్యూహమా? అన్నది ఇప్పుడు హాట్ టాపిక్గా మారింది..