ఆన్లైన్ ఆటలకు అడ్డుకట్ట

డబ్బుతో ఆడే ఆన్లైన్ గేమ్లపై పార్లమెంట్లో బిల్లు ఆమోదం నిర్వాహకులకు మూడేళ్ల వరకు జైలు, రూ. కోటి ఫైన్

- 

ప్రకటనలు ఇచ్చినా రెండేళ్ల శిక్ష, రూ. 50 లక్షల జరిమానా

పార్లమెంట్లో మూడు బిల్లులు ప్రవేశపెట్టిన అమిత్ షా..

ఈ బిల్లులు ప్రజాస్వామ్య రక్షణకా లేకా.. దుర్వినియోగానికా?

సంస్కరణల కవచంలో రాజకీయ ప్రయోజనాలు ఉన్నాయా..?

చట్టాల పేరుతో కేంద్రం పెత్తనం చేయాలనుకుంటుందా?

న్యూఢిల్లీ 20 ఆగస్టు (ఆదాబ్ హైదరాబాద్) : డబ్బుతో ముడిపడి ఉన్న ఆన్లైన్ గేమింగ్ కార్యకలాపాలను అడ్డుకోవడానికి కేంద్రం తీసుకొచ్చిన ది ప్రమోషన్ అండ్ రెగ్యులేషన్ ఆఫ్ ఆన్లైన్ గేమింగ్ బిల్లు- 2025 కు లోక్సభ బుధవారం ఆమోదం తెలిపింది. కేంద్ర ఎలక్ట్రానిక్స్, ఐటీశాఖ మంత్రి అశ్విని వైష్ణవ్ ప్రవేశపెట్టిన ఈ బిల్లు మూజువాణి ఓటుతో ఆమోదం పొందింది. ఇటీవల కాలంలో ఆన్లైన్ బెట్టింగ్ యాప్ల వ్యసనం, మనీలాండరింగ్, ఆర్థిక మోసా లు పెరగడంతో ఈ బిల్లును కేంద్రం రూపొందించింది. ఇందులో ఆన్లైన్ గేమ్స్, ఈ-స్పోర్ట్స్ మధ్య స్పష్టమైన తేడా చూపించారు.

బిల్లులోని ముఖ్య నిబంధనలు - నిబంధనలు ఉల్లంఘించి ఆన్లైన్ గేమ్స్ అందిస్తే మూడేళ్ల జైలు శిక్ష లేదా రూ.1 కోటి జరిమానా లేదా రెండూ విధింపు.

ప్రకటనలలో భాగమైనవారికి గరిష్ఠంగా రెండేళ్ల జైలు శిక్ష, రూ.50 లక్షల జరిమానా.

- ఆర్థిక లావాదేవీల్లో పాల్గొన్నవారికి మూడేళ్ల జైలు శిక్ష, రూ.1 కోటి జరిమానా.

- డబ్బుతో ముడిపడి గేమ్స్ ఆడేవారిని నేరస్థులుగా కాకుండా బాధితులుగా పరిగణించడం.

అయితే, ఈ బిల్లుతో గేమింగ్ రంగానికి తీవ్ర ఇబ్బందులు గేమింగ్ ఫెడరేషన్ అభిప్రాయపడింది. గేమింగ్ పై నిషేధం విధించటం కంటే నియంత్రణలు పెట్టాలని, ఈ మేరకు కేంద్ర హెూం మంత్రి అమిత్ షాకు లేఖ రాసినట్లు తెలిపింది.