తెలుగు రాష్ట్రాలలో సరికొత్త లిక్కర్ అవినీతి

ప్రజల ఆశలు, ఆకాంక్షలు గాలికొదిలేస్తున్న ప్రభుత్వాలు..

- 

• కేవలం అవినీతి, అక్రమ సంపాదనకు మొగ్గు చూపుతున్న దుర్మార్గం..

• పాలకులకంటే అస్మదీయులు, కార్పొరేటర్లదే హవా అంటూ విమర్శలు..

• టెండర్లు పిలిచి 6 నెలలైనా అనుమతులు ఇవ్వడం లేదు..

• పాతవారికే పెద్దపీఠ వేస్తున్న అధికారులు అంటూ విమర్శలు..

• లిక్కర్ టెండర్ల వెనుక భారీ కుట్ర జరుగుతోందంటున్న సప్లయర్స్..

• ఏపీలో మాట తప్పిన ముఖ్యమంత్రి చంద్రబాబు నాయుడు..!

• ఇక తెలంగాణాలో కొత్త బ్రాండ్ల ఊసే కనిపించడం లేదు..

హైదరాబాద్ 12, ఆగస్టు (ఆదాబ్ హైదరాబాద్): ప్రభుత్వాలు మారిపోయాయి.. కొత్త నాయకులు పగ్గాలు చేపట్టారు..అయినా సరే ప్రజల ఆశలు, ఆకాంక్షలు నెరవేరడం లేదు. అన్నది నిర్విదాంశం.. ప్రజాస్వామ్య వ్యవస్థలో అధికారంలోకి వచ్చినవారు.. తమ విస్తృత అధికారాన్ని కమీషన్లకు, తమవారికి మేలు చేసుకోవడం కోసమే ఉపయోగిస్తున్నారన్న ఆరోపణలు రెండు తెలుగు రాష్ట్రాల్లోనూ బలంగా వినిపిస్తున్నాయి. ముఖ్యంగా కోట్ల రూపాయల ఆదాయం సమకూరే మద్యం అమ్మకాల విషయంలో ప్రభుత్వాలు అనుసరిస్తున్న తీరు, అధికారుల నిర్లక్ష్యం చూస్తే... ఇక్కడ పాలకుల కంటే ఆస్మదీయులు, కార్పోరేట్లదే పైచేయిగా కనిపిస్తోంది. కొత్త బ్రాండ్ల కోసం టెండర్లు పిలిచి ఆరు నెలలు కావస్తున్నా, అనుమతులు రాకపోవడం, పాత సప్లయర్లకే అనుకూలంగా వ్యవహరిస్తుండడం వెనుక భారీ కుట్ర జరుగుతోందని సప్లయర్లు సైతం విమర్శిస్తున్నారు.