తెలంగాణ కులగణన దేశానికే రోల్ మోడల్

• మా ఒత్తిడి వల్లనే కులగణనకు కేంద్రం ఓకే • కులగణనపై కేంద్ర నిర్ణయాన్ని స్వాగతిస్తున్నాం

- 

• కులగణన పై గల్లి నుండి ఢిల్లీ వరకు గళం వినిపించాం

• దేశవ్యాప్తంగా కులగణనలో అనేక సవాళ్లు ఉన్నాయి

• కులగణన విషయంలో తెలంగాణ ప్రభుత్వ అనుభవాన్ని కేంద్రం వినియోగించుకోవాలి

• ప్రధానమంత్రి మోడీకి ధన్యవాదాలు తెలిపిన సీఎం రేవంత్రెడ్డి

• ముఖ్యమంత్రి రేవంత్ రెడ్డికి అభినందనల వెల్లువ

హైదరాబాద్ 01,(ఆదాబ్ హైదరాబాద్): కులగణన విషయంలో కాంగ్రెస్ పార్టీ గల్లి స్థాయి నుండి ఢిల్లీ స్థాయి వరకు తమ గళం వినిపించామని రాష్ట్ర ముఖ్యమంత్రి రేవంత్రెడ్డి అన్నారు. తమ పార్టీ కీలక నేత రాహుల్గాంధీ భారత్ జోడో యాత్రలో కన్యాకుమారి నుండి కశ్మీర్ వరకు కూడా కులగణన విషయం ప్రస్తావించారని అయన గుర్తు చేశారు. అందులో భాగంగానే తెలంగాణలో కులగణన చేయడమే కాకుండా జాతీయ స్థాయిలో కూడా కులగణన చేయాలని ఢిల్లీలోని జయంతర్మంతర్ వద్ద ఆందోళన చేసినట్లు గుర్తు చేశారు. గురువారం నాడు సీఎం తన నివాసంలో ఏర్పాటు చేసిన విలేఖరుల సమావేశంలో మాట్లాడుతూ మన్మోహన్ సింగ్ ప్రభుత్వం 2011లో సేకరించిన కుల గణన వివరాలను నరేంద్ర మోదీ ప్రభుత్వం బయట పెట్టలేదని దుయ్యబట్టారు.