మహిళా లోకానికి ఆదర్శం.. సినీ నటి ప్రగతి

వయస్సును లెక్కచేయని ఆత్మవిశ్వాసానికి ప్రతీక

- పద్మ కమలాకర్

ఈ కాలంలో మహిళ జీవితాన్ని సమాజం ఒక నిర్దిష్ట గడియారంతో" కొలుస్తోంది. ఈ వయస్సులో చదువు, ఆ వయస్సులో పెళ్లి, మరొక దశలో కుటుంబం, అంతకంటే ముందుకు వెళ్తే “ఇక నీ పని అయిుపోయింది" అనే మౌన సంకేతం. అలాంటి ఆలోచనల మధ్య వయస్సు కాదు, మనసే అసలైన శక్తి అని నిరూపించిన అరుదైన వ్యక్తిత్వం సినీ నటి ప్రగతి.

వయస్సు పరిమితి కాదు, అనుభవానికి చిహ్నం. సినీ రంగంలో మహిళలకు వయస్సు పెరిగేకొద్దీ అవకాశాలు తగ్గుతాయనే భావన బలంగా ఉంది. కానీ ప్రగతి ఆ భావనకు లోబడలేదు. తన వయస్సును దాచుకోలేదు, దానికి సిగ్గుపడలేదు. బదులుగా, అనుభవం, పరిపక్వత, సహజ నటనతో తనకంటూ ఒక ప్రత్యేక స్థానాన్ని సంపాదించుకుంది. ఇది - కు అత్యుత్తమ ఉదాహరణ. తనను తాను అంగీకరించిన మహిళే సమాజానికి ఎదురుగా నిలబడగలదు.