స్వాతంత్య్ర యోధులకు స్పూర్తి ప్రదాత టిప్పు సుల్తాన్

లెజెండ్

- 

టిప్పు సుల్తాన్ (1751% %1799) భారతదేశ చరిత్రలో దేశభక్తుడు, శక్తివంతమైన పాలకుడు, మైసూర్ సామ్రాజ్యానికి పునాది పటిష్ఠం చేసిన మహానాయకుడిగా నిలిచారు. "మైసూర్ పులి" అని ప్రఖ్యాతి గాంచిన ఆయన, బ్రిటిష్ ఈస్ట్ ఇండియా కంపెనీ కబంధ హస్తాల్లో భారత స్వతంత్రాన్ని కాపాడేందుకు చేసిన పోరాటానికి చిహ్నంగా నిలిచారు. భారతదేశ స్వాతంత్ర్య పోరాటంలో మొదటి పోరాట యోధుడిగా భావించబడే టిప్పు సుల్తాన్, తన పాలనలో సైనిక, ఆర్థిక, సాంకేతిక రంగాల్లో విశేషమైన ప్రగతిని సాధించారు.

టిప్పు సుల్తాన్ 1751 నవంబర్ 20న దేవనహళ్లి (నేటి కర్ణాటకలోని బెంగళూరుకు సమీపం)లో జన్మించారు. ఆయన తండ్రి హైదరాలి, తల్లి ఫాతిమా ఫకరున్నిస్సా. హైదరాలి మైసూర్ సామ్రాజ్యానికి సైన్యాధికారి నుంచి సామ్రాజ్య స్థాపకుడిగా ఎదిగారు. తన తండ్రి నుండి టిప్పు సుల్తాన్ మంచి సైనిక వ్యూహాలు, పరిపాలన నైపుణ్యాలు, మరియు ధైర్య సాహసాలను నేర్చుకున్నారు.