బాలల కథ

పట్టుదల

- నాగరాజు కామర్సు (92480 93580)

సీతానగరం పాఠశాలలో వాసు తొమ్మిదవ తరగతి విద్యార్థి. అతడు చదువులో చురుకైన వాడు. తన తోటి పిల్లలతో సఖ్యతగా ఉండేవాడు. ఉపాధ్యాయులతోనూ కలివిడిగా ఉ ౦టూ తన చురుకుదనంతో వారి అభిమానాన్ని చూరగొన్నాడు. వాసుకు చదువడం, రాయడం చాలా ఇష్టం. ఎక్కువ సమయం చదువుపైనే దృష్టి పెట్టి పరీక్షల్లో మంచి మార్కులు సాధిస్తూ తెలివైన విద్యార్థిగా ఉ పాధ్యాయుల మెప్పు పొందే వాసు సహపాఠ్య కార్యక్రమాలపై పెద్దగా శ్రద్ధ చూపక పోవడంతో వాటిలో వెనుకబడి వుండేవాడు. ఆట పాటల్లోనూ, సంస్కృతిక కార్యక్రమాల పట్ల అతనికి ఆసక్తి తక్కువ. పాఠశాలలో వారం రోజుల్లో స్వాతంత్య్ర దినోత్సవ వేడుకలు జరుగనున్న సందర్భంగా ఆటల పోటీలు, సాంస్కృతిక కార్యక్రమాలతోపాటు, స్వాతంత్య్ర దినోత్సవ ప్రాధాన్యతను వివరిస్తూ వ్యాస రచన, వక్తృత్వ పోటీలు కూడా నిర్వహించుటకు ప్రధానోపాధ్యాయులు, ఉపాధ్యాయ బృందం నిర్ణయించారు. తరగతుల వారీగా ఆసక్తిగల విద్యార్థులను ఎంపిక చేశారు. కాగా వాసు ఏ పోటీలోనూ పాల్గొనేందుకు ముందుకురాలేదు. చదువులో చురుకైన విద్యార్థిన వాసు పాఠ్యేతర విషయాల్లో తటస్థంగా ఉండడం ఉపాధ్యాయులకు నచ్చలేదు. వ్యాస రచన, వక్తృత్వ పోటీల్లోనైనా పాల్గొనాలని కొందరు ఉపాధ్యాయులు సూచించగా తనకు ఈ విషయంపై అసలు అవగాహన లేదని తాను ఆ పోటీల్