ఎత్తర జెండా

“ఎందరో మహానుభావులు అందరికీ వందనాలు" అన్న చందాన ఎంతోమంది మహానుభావుల త్యాగాల ఫలితంగా మనమంతా కులమతాలు, ప్రాంతీయ, భాషా భేదాలకు అతీతంగా ఒక వేడుకగా జరుపుకునే ఏకైక పండుగ ఈ "స్వాతంత్ర దినోత్సవం".

- పింగళి భాగ్యలక్ష్మి

“ఎందరో మహానుభావులు అందరికీ వందనాలు" అన్న చందాన ఎంతోమంది మహానుభావుల త్యాగాల ఫలితంగా మనమంతా కులమతాలు, ప్రాంతీయ, భాషా భేదాలకు అతీతంగా ఒక వేడుకగా జరుపుకునే ఏకైక పండుగ ఈ "స్వాతంత్ర దినోత్సవం". ఇది,"76 వసంతాల స్వాతంత్ర్య దినోత్సవం". ఎందరో వీరులు పోరాడి సాధించుకున్న మన దేశ స్వాతంత్య్రానికి గుర్తుగా మన జాతీయ పతాకానికి సెల్యూట్ చేస్తూ ఢిల్లీలోని ఎర్రకోట నుంచి పల్లెలోని ప్రభుత్వ కార్యాలయాలు, పాఠశాలలు, పంచాయతీ కార్యాలయాల వరకు అన్నింటా ఈ స్వాతంత్ర దినోత్సవాన్ని ఒక వేడుకగా చేసుకుంటు న్నాము. అలాగే ఈ వేడుకకు కారణమైన మహానుభావులను, ఇంకా జెండా రూపకర్తను కూడా మనమందరం స్మరించుకుని వారి జీవితాలను ఆదర్శంగా తీసుకొని స్ఫూర్తి పొందాల్సిన అవసరం ఎంతైనా ఉంది. ఈ రోజు మనమంతా ఇంత స్వేచ్ఛా స్వాతంత్ర్యాలతో సంతోషంగా జీవిస్తున్నాము అంటే ఈ సంతోషం వెనుక దాగి ఉన్న స్ఫూర్తి పోరాటాలు, త్యాగమూర్తులను స్మరించుకోవాల్సిన అవసరం ఎంతైనా ఉంది.