വാർത്താലോകത്തൊരു ജോലി

സാങ്കേതികവിഷയങ്ങൾ ഭംഗിയായി അവതരിപ്പിക്കാനും നന്നായി ആശയവിനിമയം നടത്താനും കഴിവുണ്ടെങ്കിൽ ടെക്നിക്കൽ കണ്ടന്റ് റൈറ്റിങ് മേഖലയിൽ തിളങ്ങാൻ പറ്റും

- 

കാലം മാറുന്നതിനനുസരിച്ച് ജേണലിസം തൊഴിൽ സാധ്യതകളിലും മാറ്റമുണ്ടാവുന്നുണ്ട്. സോഷ്യൽമീഡിയയും ഓൺലൈൻ പോർട്ടലുകളും സജീവമായപ്പോൾ, തൊഴിലവസരങ്ങൾ വർധിച്ചു. പത്രം, ടി.വി, ഓൺലൈൻ, മോജോ (മൊബൈൽ ജേണലിസം) എന്നിങ്ങനെ വിശാലമാണ് ഈ മേഖല, സ്വകാര്യമേഖലയൊപ്പം തന്നെ സർക്കാർ മേഖലയിലും ജോലി സാധ്യതകളുണ്ട്.

പുതിയ കാലത്ത് ജോലിചെയ്യാൻ അടിസ്ഥാനയോഗ്യത മാത്രം പോര, മതിയായ സാങ്കേതികപരിശീലനം കൂടി ആവശ്യമാണ്. വാർത്തകൾ കണ്ടെത്താനും അത് അവലോകനം ചെയ്ത് അവതരിപ്പിക്കാനുമുള്ള കഴിവാണ് മാധ്യമപ്രവർത്തകർക്ക് പ്രധാനമായും വേണ്ടത്.

ബിരുദവും ബിരുദാനന്തരബിരുദവുമാണ് ജേണലിസത്തിൽ പ്രധാനമായുള്ള കോഴ്സുകൾ. പി.ജി ഡിപ്ലോമ കോഴ്സുകളുമുണ്ട്. ബി.എ. മാസ് കമ്യൂണിക്കേഷൻ, ബി.എ.ജേണലിസം എന്നിവയ്ക്ക് അപേക്ഷിക്കാനുള്ള അടിസ്ഥാനയോഗ്യത പ്ലസ് ടുവാണ്. മാസ്റ്റേഴ്സ് ഇൻ ജേണലിസം, മാസ്റ്റേഴ്സ് ഇൻ മാസ് കമ്യൂണിക്കേഷൻ, പി.ജി. ഡിപ്ലോമ ഇൻ ജേണലിസം, പി.ജി. ഡിപ്ലോമ ഇൻ മാസ് കമ്യൂണിക്കേഷൻ തുടങ്ങിയവയാണ് ബിരുദാനന്തരതലത്തിലുള്ള കോഴ്സുകൾ.

എവിടെ പഠിക്കാം ?