എസ്.ഐ. പരീക്ഷ അഡ്മിനിസ്ട്രേറ്റീവ് ട്രിബ്യൂണൽ തടഞ്ഞു

പി.എസ്.സി. അപ്പീലിന്

പോലീസ് എസ്.ഐ. പുതിയ വിജ്ഞാപന പ്രകാരമുള്ള തിരഞ്ഞെടുപ്പ് നടപടികൾ താത്കാലികമായി തടഞ്ഞ് അഡ്മിനിസ്ട്രേ റ്റീവ് ട്രിബ്യൂണൽ ഉത്തരവായി. അപേക്ഷകർക്കുള്ള പ്രാഥമിക പരീക്ഷ മൂന്ന് ഘട്ടമായി ഏപ്രിൽ 29, മേയ് 13, 27 തീയതികളിലാണ് പി.എസ്.സി. നിശ്ചയിച്ചത്. ട്രിബ്യൂണലിന്റെ ഉത്തരവുള്ളതിനാൽ ഈ പരീക്ഷയുടെ നടത്തിപ്പിന് തടസ്സമുണ്ട്. അപ്പീൽ സമർപ്പിച്ച് പരീക്ഷ നടത്താനുള്ള നീക്കം പി.എസ്.സി. ആരംഭിച്ചു. മാർച്ച് 13-നുള്ള കമ്മിഷൻ യോഗത്തിൽ അന്തിമ തീരുമാനമുണ്ടാകും.