રણમાં રોપ્યું લીલુંછમ સપનું...

ગામડે ગામડે સભા ભરીને લોકોને વૃક્ષોની કવાડના નામે આજે લાખો વૃક્ષ બોલે છે.

- સમીર પાલેજા (મુંબઈ)

મું બઈના બિઝનેસમૅન શાંતિલાલ કવાડ બે વર્ષ પહેલાં વતન રાજસ્થાન ગયા ત્યારે નોંધ્યું કે ૪૭-૪૮ ડિગ્રી સેલ્સિયસ તાપમાનમાં પાલી શહેરથી ગામડે જતાં રસ્તે દસદસ કિલોમીટર પર એકેય વૃક્ષ નથી. રસ્તામાં વાહન પંક્ચર થાય તો બે મિનિટ પણ ઊભા ન રહી શકાય એવી આગ ઓકાય છે. સ્થાનિકો વૃક્ષારોપણ કરતાં અચકાતાં હતા, કેમ કે સિંચાઈ નહીં, ભૂગર્ભ જળ ખારું અને રોપા પશુ ચાવી જાય એ સમસ્યા. આ જોઈને શાંતિલાલજી વ્યથિત થયા, પણ એમનો નૈસર્ગિક પ્રકૃતિપ્રેમ જાગી ઊઠ્યો.

ગામડે ગામડે સભા ભરીને લોકોને વૃક્ષોની કવાડના નામે આજે લાખો વૃક્ષ બોલે છે.

શાંતિલાલ કવાડ ચિત્રલેખાને કહે છે કે પૂર્વજોના પ્રદેશને હર્યોભર્યો કરવા સંકલ્પ લીધો કે પાલી શહેરથી ત્રીસ કિલોમીટર દૂર મારા ગામ સુધી બન્ને તરફનો માર્ગ તથા આજુબાજુનાં ગામોને એક વર્ષમાં વૃક્ષોથી ભરી દઈશ. પોસ્ટર લગાવીને જનજાગૃતિ કરી. આજે બે વર્ષ પછી પાલીથી આગળ રસ્તાની બન્ને તરફ, ત્રીસ નહીં, પણ સાઠ કિલોમીટરમાં દસ-દસ ફૂટ હરિયાળાં વૃક્ષો લહેરાય છે. ગામલોકો ફોન કરીને કહે છે કે આવી હરિયાળી તો જીવનમાં જોઈ નથી.