માનવતાનાં ચીંથરાં ઉડાડવા પૈસા ક્યાંથી આવે છે?

દુનિયાભરમાં અનેક ત્રાસવાદી સંગઠનો દ્વારા અત્યાચાર ફેલાવવાની પ્રવૃત્તિઓ થાય છે, એમની રીતસરની ટ્રેનિંગ સ્કૂલો ચાલે છે, મૉડર્ન વેપન્સ ખરીદવામાં આવે છે. આ માટે જોઈતાં જથ્થાબંધ નાણાં આવે છે ક્યાંથી? આ સવાલનો જવાબ શોધવા દુનિયાભરના ઈન્વેસ્ટિગેટરો દિમાગનું દહીં કરે છે.

- કેતન મિસ્ત્રી (મુંબઈ)

૨૦૦૧ના સપ્ટેમ્બરમાં યોર્કના વર્લ્ડ ટ્રેડ સેન્ટરના ૨૦૦૧ ડિયા ટાવર તથા અમેરિકામાં અન્ય ઠેકાણે ટેરર ઍટેક કરાવનારા ઉસામા બિન લાદેને એના માણસોને એશિયા અને આફ્રિકાના જુદા જુદા દેશમાંથી બોઈંગ વિમાન ઉડાડવાની તાલીમ લેવા જર્મની, સ્વિત્ઝરલૅન્ડ, ચેકોસ્લોવેકિયાથી લઈને અમેરિકા મોકલેલા. ૧૯ જેટલા ટેરરિસ્ટ તથા એમના સાગરીતો નાં પ્રવાસ-રહેવા, ખાવા-પીવા તથા ખર્ચાપાણી માટે લાખો ડૉલર ખર્ચાયા.

પોતાને મજહબ માટેની લડાઈનો સેનાપતિ ગણાવતો લાદેન ૩૦૦ કમાન્ડો સાથે રહેતો. એની પાસે પંદરથી વધુ ટ્રકમાં સમાય એટલા સેટેલાઈટ ફોન, અત્યાધુનિક લૅપટૉપ, કમ્પ્યુટર તથા અન્ય ઈલેક્ટ્રોનિક સાધનો હતાં... ૨૦૧૧માં પાકિસ્તાનના અબોટાબાદમાં ઉસામા બિન લાદેન હણાયો એ પહેલાં એણે કહેલું: ‘મારી ત્રણ આર્થિક વ્યવસ્થા (ફાઈનાન્સિયલ સિસ્ટમ) છે. એક ફેલ જાય તો બીજી અને બીજી ફેલ જાય તો ત્રીજી... આ ત્રણે ફાઈનાન્સિયલ સિસ્ટમ એકબીજાથી જુદી અને સ્વતંત્ર રીતે કામ કરે છે.

મારા પૈસાનું સંચાલન ભણેલાગણેલા ફંડ મૅનેજરો કરે છે. અમેરિકા સહિત આખી દુનિયા ઊંધી વળી જશે તો પણ મારી ફાઈનાન્સ સિસ્ટમનું, મારા ફંડ મૅનેજરોનું કોઈ કંઈ બગાડી શકે એમ નથી.’

વિચાર કરો, આજથી વીસ વર્ષ પહેલાં લાદેનની આવી સિસ્ટમ હતી. તો આજના અત્યાધુનિક ગેજેટ્સના યુગમાં કેવી રીતે નાણાપ્રવાહ વહેતો હશે?