કેમ વધી રહ્યું છે હોમ સિક્યોરિટી સિસ્ટમ વસાવવાનું પ્રમાણ?

ઘરની સુરક્ષા અને બાળકો-વડીલોની સલામતીની ફિકર રહેતી હોય તો અનેક વિકલ્પ છે ઉપલબ્ધ.

- પુનીત આચાર્ય સોમપુરા

ડિજિટલ દુનિયા કૉલમમાં પ્રસ્તુત છે વાચકમિત્રોએ પૂછેલા પ્રશ્નોના ઉત્તર...

પ્રશ્નઃ મોબાઈલ સ્ક્રીન પર આંગળીનો સતત ઉપયોગ કરવાથી મારી આંગળી સૂન થતી જાય છે. આ કોઈ વ્યાધિની નિશાની છે? આવું ન થાય એ માટે શું કરવું?

ઉત્તરઃ તબીબી ભાષામાં આંગળી અથવા અંગૂઠાની આ સ્થિતિને smartphone finger, texting tendinitis, texting thumb al gamer's thumb કહેવામાં આવે છે. સૂન થવાની આ સમસ્યા પ્રત્યે તમે જો બેદરકાર રહેશો તો તમારા હાથ તેમ જ પંજાના સ્નાયુ અને હાડકાંઓને કાયમી નુકસાન થવાની પૂરી શક્યતા છે.

આનાથી બચવાનો સૌથી સારો ઉપાય એ છે કે તમારો સ્ક્રીન ટાઈમ ઘટાડો. જો એ શક્ય ન હોય તો તમે STYLUS PEN ખરીદી શકો છો. તમારી આંગળી અને અંગૂઠાથી તમે મોબાઈલ સ્ક્રીન પર જે કંઈ પણ કરો છો એ તમામ કામગીરી તમે આ સ્ટાઈલસ પેનથી કરી શકશો. જો કે એ ખરીદવાનું નક્કી કરો ત્યારે સ્ટાઈલસ પેનના તમારા મોબાઈલ સાથે મેળ ખાય એ મોડેલ જ ખરીદવાની તકેદારી ખાસ રાખજો.

 પ્રશ્નઃ મારી દીકરી ફેસબુક અને ઈન્સ્ટાગ્રામમાં એના ફોટા વારંવાર અપલોડ કર્યા કરે છે. ના પાડવા છતાં અટકતી નથી. કહે છે કે કશું ન થાય. શું કરવું?