આ મોબાઈલ ઍપ્સ બનાવે છે તમારી અંગ્રેજી ભાષાને પરફેક્ટ

આર્ટિફિશિયલ ઈન્ટેલિજન્સ ટેક્નોલૉજી આપી શકે છે લખાણને એકદમ પ્રોફેશનલ ટચ.

- 

પૃથ્વી પર પથરાયેલા છ ખંડ પર અંગ્રેજી જાણતા ૧૧૮ દેશ છે. આ દેશના લોકો અંગ્રેજી કેટલું સારું જાણે છે એ વિશે એક અમેરિકન સંસ્થાએ સર્વેક્ષણ હાથ ધર્યું. એનો રિપોર્ટ એવો આવ્યો કે આ બધા દેશોના અંગ્રેજી ભાષા પર સારી પકડ ધરાવતા લોકો પણ દર ૧૦૦ શબ્દદીઠ દસથી વીસ જેટલા શબ્દોમાં તો ભૂલ કરે જ છે.

આપણે એમની ભૂલ પકડી શકતા નથી, કારણ કે અંગ્રેજીમાં લખવાનું હોય ત્યારે આ લોકો બિનધાસ્ત Writing Assistant Appનો ઉપયોગ કરતાં શીખી ગયા છે. માત્ર આ લોકો જ નહીં, પરંતુ જગતભરમાં પથરાયેલી ઘણી હાઈ-પ્રોફાઈલ પ્રોફેશનલ વ્યક્તિ આવી ઍપ્સ આજકાલ વિના સંકોચે ઉપયોગમાં લઈ રહી છે.

Writing Assistant App અંગ્રેજી લખવામાં તમને શું મદદ કરી શકે છે?

આ પ્રકારની ઍપ્લિકેશન્સ તમે અંગ્રેજી ભાષામાં જે લખાણ તૈયાર કર્યું હોય એનું વ્યાકરણ અને સ્પેલિંગ સુધારી આપે છે. જરૂર હોય ત્યાં વિરામચિહ્નો મૂકી આપે છે. ઉપયોગમાં લેવાયેલા શબ્દો કરતાં વધુ ધારદાર અસર ઊભી કરતા વૈકલ્પિક શબ્દો ગોઠવી આપે છે. એકંદરે કહીએ તો તમારું લખાણ વધુ અસરકારક અને સ્પષ્ટ બનાવી આપવાનું કામ કરી આપે છે.