આમનો તો કોઈ ઉદ્ધાર કરો..

આપણી બધી જેલ કેદીઓથી ઊભરાય છે, કારણ કે આરોપીઓને જામીન મળતા નથી.

- 

ઉપલી અદાલતોમાં ન્યાયાધીશોની નિમણૂક કરવાની સત્તા કોની એ મામલે સરકાર અને ન્યાયતંત્ર વચ્ચેનો વિખવાદ વકરી રહ્યો છે. બેમાંથી એક પણ પક્ષ નમતું જોખવા તૈયાર નથી. ૧૯૯૦ના દાયકામાં સર્વોચ્ચ અદાલતે બે ચુકાદા દ્વારા એ અધિકાર પોતાની પાસે રાખ્યો ત્યારથી આ મુદ્દે ચણભણ ચાલે છે. આવી નિયુક્તિમાં પણ સગાંવાદ અને ગેરરીતિના આક્ષેપ થાય છે તો સામે પક્ષે સરકાર ન્યાયતંત્રની ભલામણ લાંબો સમય દબાવી રાખે છે એવું આળ પણ મૂકવામાં આવે છે.