ആശ്രിത നിയമനം പുതിയ വ്യവസ്ഥകൾ അറിയാം

ജീവനക്കാരൻ മരിക്കുമ്പോൾ 13 വയസ്സോ അതിനു മുകളിലോ പ്രായമുള്ള ആശ്രിതർക്കു മാത്രമേ നിയമനത്തിന് അർഹതയുള്ളൂ.

- ബാലകൃഷ്ണൻ തക്കങ്ങോട് ധനകാര്യ നിരീക്ഷകനും റിട്ട. പ്രധാന അധ്യാപകനുമാണ് ലേഖകൻ

ആശ്രിത നിയമന വ്യവസ്ഥകളിൽ കാതലായ മാറ്റങ്ങൾ വരുത്തി സംസ്ഥാന സർക്കാർ. മരിച്ചയാളുടെ വകുപ്പിൽ തന്നെ നിയമനം നൽകുന്ന രീതി മാറ്റി എല്ലാ വകുപ്പുകളിലെയും ആശ്രിത നിയമനങ്ങൾ ഇനി ഏകീകൃത സീനിയോറിറ്റി പട്ടികയിൽ നിന്നായിരിക്കും. ഒഴിവുകൾ ഇല്ലാത്ത വകുപ്പിൽ നിയമനം വൈകുന്നത് ഒഴിവാക്കാനാണിത്. കൂടുതൽ തസ്തികകൾ ആശ്രിത നിയമനത്തിന്റെ പരിധിയിൽ കൊണ്ടുവരാനും നടപടി സ്വീകരിക്കും. ഭരണാനുകൂല സർവീസ് സംഘടനയായ ജോയിന്റ് കൗൺസിലിന്റേതടക്കം എതിർപ്പുകൾ അവഗണിച്ചു കൊണ്ടാണ് മാറ്റങ്ങൾ വരുത്തിയിരിക്കുന്നത്.

ജീവനക്കാരൻ മരിച്ച ദിവസം പതിമൂന്നോ അതിനു മുകളിലോ പ്രായമുള്ള ആശ്രിതരെ മാത്രമേ ജോലിക്കായി പരിഗണിക്കൂ. 18 വയസ്സായാൽ ആശ്രിതർക്കു ജോലി നൽകുന്നതാണ് നിലവിലെ രീതി. ആശ്രിത നിയമനങ്ങളുടെ എണ്ണം കുറയ്ക്കാൻ പുതിയ വ്യവസ്ഥ മൂലം കഴിയും. മരിക്കുമ്പോൾ ആശ്രിതർക്കു നിശ്ചിത വയസ്സു വേണമെന്ന നിബന്ധന ജോലിക്കു കാത്തിരിക്കേണ്ട സാഹചര്യവും കുറയ്ക്കും. ആശ്രിത നിയമനം വേണ്ടാത്തവർക്ക് സമാശ്വാസധനം നൽകണമെന്ന ശുപാർശയും പരിഗണിച്ചില്ല.

വരുമാനം 8 ലക്ഷത്തിൽ കൂടരുത്