നിർമിക്കുന്നത് ബേക്കറി ഉൽപന്നങ്ങൾ നേടുന്നത് മാസം 15 ലക്ഷം രൂപ

വിതരണക്കാർ 10-15% ലാഭം എടുത്താലും 10% അറ്റാദായം നേടാനാകുന്നു.

- 

തികച്ചും വ്യത്യസ്തമായ ഒരു സാഹചര്യത്തിൽ സംരംഭത്തിലേക്കു കടന്ന ഒരു വീട്ടമ്മയാണ് പ്രീത സേതുമാധവൻ. കൂടെയുള്ളവർക്ക് തൊ ഴിൽ നൽകണമെന്ന ചിന്തയിൽനിന്ന് ഉടലെടുത്ത ഒരു ബിസിനസ് രണ്ടു വർഷത്തിനുള്ളിൽത്തന്നെ മികച്ച ലാഭം നേടാനും ഉൽപാദനം ഇരട്ടിയാക്കാനും കഴിഞ്ഞു എന്നതാണ് നേട്ടം. ഒറ്റപ്പാലത്തിനടുത്ത് ലക്കിടിയിൽ (അകലൂർ) പ്രീതം ബേക്സ് ആൻഡ് സ്വീറ്റ്സ് എന്ന പേരിലാണ് സംരംഭം നടത്തുന്നത്.

എന്താണ് ബിസിനസ്?

സാധാരണ ബേക്കറികളിൽ നിർമിക്കുന്ന ഉൽപന്നങ്ങൾ തന്നെയാണ് ഇവിടെ നിർമിച്ചു വിൽക്കുന്നത്. സംരംഭം തുടങ്ങുന്നതും വളരുന്നതും ഒരു പ്രത്യേക സാഹചര്യത്തിലാണെന്നു മാത്രം.

കേക്കുകൾ, ബ്രഡുകൾ, റസ്ക്, പകൾ, കട്ലറ്റ്, മീറ്റ്റോൾ, ചിക്കൻ റോൾ, കേക്കുകൾ, പ്ലം കേക്ക്, ഈത്തപ്പഴക്കേക്ക്, കാരറ്റ് കേക്ക്, കാർട്ടൂൺ കേക്കുകൾ, കസ്റ്റമൈസ്ഡ് കേക്കുകൾ, ബിസ്കറ്റ്, സാൻഡ്വിച്ച് അങ്ങനെ മിക്കവാറും എല്ലാത്തരം ബേക്കറി ഉൽപന്നങ്ങളും ഏതാനും ന്യൂജൻ ഉൽ പന്നങ്ങളും ഉണ്ടാക്കുന്നുണ്ട്.

വ്യത്യസ്തമായ സാഹചര്യത്തിൽ തുടക്കം