കൂട്ടുകച്ചവടത്തിലെ "യെസും 'നോ'യും

കൂട്ടായ്മ നിലനിർത്താൻ യെസ് മാത്രം പറയുന്നത് തകർച്ചയിലേക്കുള്ള ചവിട്ടുപടിയാകും.

- പുളിക്കൻസ്

ഒരിക്കൽ ശിഷ്യൻ ഗുരുവിനോടു ചോദിച്ചു: "എന്തുകൊണ്ടാണ് ജീവിതമാകുന്ന പരീക്ഷയിൽ നമ്മൾ അധികംപേരും തോറ്റുപോകുന്നത്.' ഗുരു പറഞ്ഞു: "യഥാർഥത്തിൽ ജീവിതമെന്ന പരീക്ഷ വളരെ ലളിതമാണ്. പക്ഷേ, ഓരോരുത്തർക്കും ദൈവം വെവ്വേറെ ചോദ്യപേപ്പറാണ് നൽകുന്നത്. ഇതറിയാതെ നാം അടുത്തിരിക്കുന്നവനെ പകർത്താൻ ശ്രമിക്കുന്നു. അതുകൊണ്ടാണ് അധികംപേരും തോറ്റുപോകുന്നത്.

ഈ ജീവിതപാഠം ഏതു ബിസിനസ് ആരംഭിക്കുമ്പോഴും ഓർക്കേണ്ടതാണ്. സുഹൃത്തുക്കളോടൊപ്പമാണ് കച്ചവടത്തിന് ഇറങ്ങുന്നതെങ്കിൽ പ്രത്യേകിച്ചും.

കൂട്ടുസംരംഭങ്ങൾ ആരംഭിക്കുന്നവർ ഏറെയാണ്. കാമ്പും കരുത്തുമുള്ള കൂട്ടുകെട്ടുകൾ വിജയത്തിന്റെ ആധാരശിലയാണുതാനും. എന്നാൽ കൂട്ടുകെട്ട് എങ്ങനെ രൂപപ്പെടുന്നു എന്നതു പ്രധാനമാണ്.