വീട്, മക്കളുടെ വിദ്യാഭ്യാസം, റിട്ടയർമെന്റ് ഇവയ്ക്കായി എങ്ങനെ നിക്ഷേപിക്കണം?

2 ലക്ഷം രൂപ മാസശമ്പളക്കാരൻ ചോദിക്കുന്നു

- സിബിൻ പോൾ, MBA, CFP®, CCRA വെൽത്ത് മെട്രിക്സ്, സ്ഥാപകൻ, mlms, www.wealthmetrics.in

എന്റെ മാസവരുമാനം 2,00,000 രൂപയാണ് (5% വാർഷിക ഇൻക്രിമെന്റ് ഉണ്ടാവും). മാസം 35,000 അടവുവരുന്ന ഒരു വായ്പയുണ്ട് (2026 മാർച്ചിൽ അവസാനിക്കും). പ്രതിമാസമുള്ള മറ്റു ചെലവുകൾ ഇങ്ങനെയാണ് - വാടക: 30,000. വീട്ടുചിലവ്: 30,000. വിദ്യാഭ്യാസം: 15,000. കെഎസ്എഫ്ഇയിൽ ചിട്ടിയുണ്ട്. മാസം 22,500 രൂപയാണ് അടവ്. മൂന്നു കോടിയുടെ ടേം ഇൻഷുറൻസും 10 ലക്ഷം കവറേജുള്ള ഹെൽത്ത് ഇൻഷുറൻസുമുണ്ട്.

ലക്ഷ്യങ്ങൾ

1. വീട്: 2-3 വർഷത്തിനുള്ളിൽ സ്ഥലം വാങ്ങണം. ആറുവർഷത്തിനുള്ളിൽ വീടുവയ്ക്കുകയാണ് ലക്ഷ്യം. ഇപ്പോഴത്തെ സ്ഥിതിയിൽ ഇതിനായി 1.5 കോടി രൂപ സമാഹരിക്കണം.

2. ഒന്നാമത്തെ കുട്ടിയുടെ വിദ്യാഭ്യാസം: 20 ലക്ഷം രൂപ (15 വർഷത്തിനുള്ളിൽ).

3. രണ്ടാമത്തെ കുട്ടിയുടെ വിദ്യാഭ്യാസം: 30 ലക്ഷം രൂപ (19 വർഷത്തിനുള്ളിൽ).

4. റിട്ടയർമെന്റ് ഫണ്ട്: നിലവിൽ വാർഷികച്ചെലവ് 3 ലക്ഷം രൂപയാണ്. 19 വർഷത്തിനുശേഷമാണ് റിട്ടയർമെന്റ്

നിക്ഷേപങ്ങൾ

എച്ച്ഡിഎഫ്സി ക്ലിക്ക് 2 വെൽത്തിൽ 3,000 രൂപ എസ്ഐപി. നിലവിലെ മൂല്യം 2,40,684 രൂപ. അടൽ പെൻഷൻ യോജന മാസം 550 രൂപ (60 കഴിഞ്ഞാൽ 5,000 രൂപ മാസ പെൻഷൻ ലഭിക്കും. ബാങ്ക് സ്ഥിര നിക്ഷേപം- 5,00,000 രൂപ.

മ്യൂച്വൽഫണ്ടുകളും എസ്ഐപി തുകയും നിലവിലെ മൂല്യം ബ്രായ്ക്കറ്റിൽ നൽകിയിട്ടുണ്ട്.

ഐസിഐസിഐ ഇന്ത്യ ഓപ്പർച്യൂനിറ്റി ഫണ്ട്: 2,500 (10,766 രൂപ).