ഓഹരി, കടപത്രം, സ്വർണം, ഭൂമി എല്ലാത്തിലും ഒന്നിച്ചു നിക്ഷേപിക്കാം

വൈവിധ്യവൽക്കരണംവഴി താരതമ്യേന കുറഞ്ഞ റിസ്കിൽ മികച്ച നേട്ടം നൽകാൻ കെൽപുള്ളവയാണ് മൾട്ടി അസറ്റ് ഫണ്ടുകൾ.

- എ. വിനോദ് കുമാർ

മൾട്ടി അസറ്റ് നിക്ഷേപങ്ങളുടെ സ്വീകാര്യത ദിനംപ്രതി വർധിച്ചുകൊണ്ടിരിക്കുകയാണ്. അതായത്, വിവിധ ആസ്തി വിഭാഗങ്ങളിൽ നിക്ഷേപിക്കുന്ന രീതി ജനപ്രിയമാകുന്നു. നമ്മൾ ഓരോ ആസ്തി വിഭാഗങ്ങളും പ്രത്യേകമെടുത്തു പരിശോധിച്ചാൽ മനസ്സിലാകും ഇവയുടെയൊന്നും പ്രകടനം സ്ഥിരതയാർന്നതല്ല എന്ന്. ഏതു വിഭാഗമാണ് ഈ വർഷം മറ്റെല്ലാത്തിനെയും മറികടക്കുക എന്നു പ്രവചിക്കുക അസാധ്യം. അവിടെയാണ് മൾട്ടി അസറ്റുകളിലൂടെ വൈവിധ്യ വൽക്കരണം കടന്നുവരുന്നത്. നിക്ഷേപം എത്രത്തോളം വൈവിധ്യമാണ് എന്നതിനെ ആശ്രയിച്ചിരിക്കും ചാഞ്ചാട്ടങ്ങളുണ്ടാകുമ്പോഴുള്ള പോർട്ട്ഫോളിയോയുടെ പ്രകടനം. ഏതെങ്കിലും ഒരു ആസ്തി മോശം പ്രകടനം നടത്തിയാലും മറ്റുള്ള വിഭാഗങ്ങൾ പോർട്ട്ഫോളിയോയെ പിടിച്ചുനിർ