ഇപ്പോൾ നിക്ഷേപിക്കേണ്ടത് ലാർജ് ക്യാപ്പിൽ,കാരണം അറിയാം

സാധാരണക്കാർക്കും എളുപ്പത്തിൽ ശരിയായ തീരുമാനം എടുക്കാം, ശക്തമായ ഓഹരികളായതിനാൽ വിലചാഞ്ചാട്ടവും റിസ്കും കുറവാണ്.

- ലിജേഷ് ജനാർദനൻ

കഴിഞ്ഞ രണ്ടു വർഷങ്ങളായി ചെറുകിട, ഇടത്തരം ഓഹരികളിലായിരുന്നു എല്ലാവരുടെയും ശ്രദ്ധ. ഈ ഓഹരികൾ മികച്ച നേട്ടം നൽകിയതോടെ ലാർജ് ക്യാപ് ഓഹരികളിന്മേൽ നിക്ഷേപ്രശദ്ധ കുറഞ്ഞു. മിഡ്-സ്മോൾ ക്യാപ് ഓഹരികളുമായി താരതമ്യം ചെയ്യുമ്പോൾ ലാർജ് ക്യാപ്പിൽ വിലയിടിവുണ്ടായി. എന്നാൽ ഇപ്പോൾ സാഹചര്യങ്ങൾ മാറുകയാണ്.

ആകർഷകമാക്കുന്ന ഘടകങ്ങൾ

ബ്രാൻഡ് വാല്യു - നിങ്ങൾ ഉപയോഗിക്കുന്ന പല പ്രശസ്ത ബ്രാൻഡുകളും ഇന്ത്യൻ വിപണിയിൽ ലിസ്റ്റ് ചെയ്ത ഏതെങ്കിലും മുൻനിര കമ്പനിയുടേതാവും. ഈ കമ്പനികളെല്ലാം സാങ്കേതികമായും സാമ്പത്തികമായും മുന്നിട്ടുനിൽക്കുന്നവയാണെന്നതിൽ നിങ്ങൾക്കു സംശയവും ഉണ്ടാകില്ല. അതായത് അടിസ്ഥാനപരമായി വളരെ മികച്ച ഓഹരികൾ ഈ വിഭാഗത്തിൽ കണ്ടെത്താം. അതുകൊണ്ടുതന്നെ നിങ്ങളുടെ പോർട്ട്ഫോളിയോയിൽ നിന്ന് ലാർജ് ക്യാപ് ഓഹരികളെ ഒഴിവാക്കരുത്.