വിപണി ചാഞ്ചാട്ടത്തിലും രക്ഷയ്ക്ക് മൾട്ടി അസെറ്റ് ഫണ്ട്

വിവിധ ആസ്തികളിൽ നിക്ഷേപം വൈവിധ്യവൽക്കരിച്ച് റിസ്ക്കും റിട്ടേണും ബാലൻസ് ചെയ്യാം.

- സന്തോഷ് ഫ്രാൻസിസ് മ്യൂച്ചൽ ഫണ്ട് ഡിസ്ട്രിബ്യൂട്ടർ

ഒരു ലക്ഷം രൂപയുടെ ബോണസ് ലഭിച്ചപ്പോൾ അദീബും അമനും ഹ്രസ്വകാലത്തേക്കു നിക്ഷേപിക്കാൻ തീരുമാനിച്ചു. ഓഹരി കുതിപ്പിൽ വലിയ വിശ്വാസമുണ്ടായിരുന്ന അദീബ് ഒരു ലക്ഷവും ടെക്നോളജി ഓഹരികളിൽ നിക്ഷേപിച്ചു. അമനാകട്ടെ അൽപം കരുതലോടെ ഓഹരി, ഡെറ്റ് മ്യൂച്വൽ ഫണ്ട്, സ്വർണം എന്നിവയിൽ വൈവിധ്യവൽക്കരിച്ചാണ് നിക്ഷേപിച്ചത്. ആഗോള തലത്തിലെ നെഗറ്റീവ് ട്രെൻഡ് മൂലം ഒരു വർഷം കഴിഞ്ഞിട്ടും അദീബിന്റെ പോർട്ഫോളിയോയിൽ നേട്ടമുണ്ടായില്ല. അതേസമയം അമന്റെ നിക്ഷേപം 12% വർധന രേഖപ്പെടുത്തി. ഇന്നത്തെ സങ്കീർണമായ സാമ്പത്തിക കാലാവസ്ഥയിൽ റിസ്കിനെ മറികടന്നുള്ള നേട്ടത്തിനായാണ് ഉന്നം വയ്ക്കേണ്ടത്. ഇതിന് മികച്ചത് മൾട്ടി അസെറ്റ് ഇൻവെസ്റ്റിങ് തന്നെ. അതാണ് അമൻ തെരഞ്ഞെടുത്തത്.

എന്താണ് മൾട്ടി അസെറ്റ് ഇൻവെസ്റ്റിങ്