ഇനി വളരാൻ ഇരിക്കുന്ന കൊമ്പ് മുറിക്കണം

റിസ്ക് എടുക്കാൻ തയാറാകാത്തവർ മുൻപിൽ കിടക്കുന്ന മുതലയെ പേടിച്ച് പിറകിലെ കടുവയുടെ വായിൽ ചാടുകതന്നെ ചെയ്യും.

- 

ഇരിക്കുന്ന കൊമ്പു മുറിക്കരുത് എന്ന പഴഞ്ചൊല്ല് മരച്ചുവട്ടിൽ മാത്രമല്ല, മാർക്കറ്റിലും സുലഭമായി കേൾക്കുന്നതാണ്. സ്വന്തം ജീവൻ അപായപ്പെടുത്തുന്ന ഓരോന്നു ചെയ്തു കൂട്ടരുത് എന്ന അർഥത്തിലാണ് ഇത് സാധാരണ പ്രയോഗിക്കുക. എന്നാൽ, ഈ പഴമൊഴി ആ അർഥത്തിൽ കാണരുത് എന്നതാണ് പുതിയകാല കച്ചവട തന്ത്രം പറയുന്നത്. ഇരിക്കുന്ന കൊമ്പിൽ സുരക്ഷിതരായി ഇരിക്കാതെ ആ കൊമ്പു മുറിക്കുന്നവർക്ക് മാർക്കറ്റിൽ അതുക്കും മേലെയുള്ള സാധ്യതകളുണ്ട്.