675 sq.ft വീട്

വെല്ലുവിളി നിറഞ്ഞ നീളൻ 6.82 സെന്റിൽ 14 ലക്ഷം രൂപ ചെലവിൽ നിർമിച്ച വീട്

- 

ഭാഗം വച്ചപ്പോൾ കിട്ടിയ പ്ലോട്ടിൽ വീട് വയ്ക്കാനായി ഒത്തിരി ശ്രമിച്ചെങ്കിലും നടന്നില്ല. നീളം കൂടി വീതി കുറഞ്ഞ പ്ലോട്ട് തന്നെയായിരുന്നു വില്ലൻ. ഒടുവിലാണ് വീട്ടുകാർ എൻജിനീയർ പോൾ ജേക്കബിനടുത്തെത്തുന്നതും ഈ വീട് യാഥാർഥ്യമാകുന്നതും. ഒരു പ്ലോട്ടിനെ രണ്ടായി ഭാഗിച്ചപ്പോൾ കിട്ടിയ പകുതിയിലാണ് വീടിരിക്കുന്നത്. അങ്ങനെ ജോൺസണു വേണ്ടി 6.82 സെന്റിൽ 675 ചതുരശ്രയടിയിൽ പണിത വീടാണിത്.

പ്ലോട്ട്

പ്ലോട്ടിന്റെ ഏറ്റവും വീതി കൂടിയ ഭാഗമായ 4.54 മീറ്റർ വീതിയിലാണ് വീട് വച്ചത്. കട്ടിങ് ഉള്ളതു കൊണ്ട് അൽപം പിന്നിലേക്ക് ഇറക്കിയാണ് വീടിരിക്കുന്നത്.

കോൺക്രീറ്റ് തറ

റബിൾ മേസനറി രീതിയിലാണ് ഫൗണ്ടേഷൻ, ബെൽറ്റ് വാർ ക്കാതെ മണ്ണടിച്ച് തറ മുഴുവനായും ഒന്നിച്ച് കോൺക്രീറ്റ് ചെയ്തു. എട്ട് സെമീ കനമുള്ള ആർസിസിയാണ് ചെയ്തത്. ആറ് എംഎം കമ്പിയും ചുമര് വരുന്ന ഭാഗങ്ങളിൽ എട്ട് എംഎം കമ്പിയും നൽകി ബലമേകിയിട്ടുണ്ട്. ചിതൽ, നനവ് തുടങ്ങിയവ വരാതിരിക്കാനാണ് പ്രധാനമായും ഇങ്ങനെ ചെയ്തത്.