ചെറുപയർ: ചെറുതല്ല ഗുണങ്ങൾ

ആരോഗ്യപരിപാലനത്തിനും സൗന്ദര്യവർധനയ്ക്കും ഗുണകരം

- ഡോ. ഗോപാലകൃഷ്ണൻ വലിയവീട്ടിൽ

ദേഹബലവും ദഹനശക്തിയും വർധിപ്പിക്കുന്ന ധാന്യമാണ് ചെറുപയർ. രോഗികൾക്കും രോഗ മുക്തിക്കു ശേഷം ക്ഷീണാവസ്ഥയിലുള്ളവർക്കും ആഹാരമായും ഔഷധമായും പ്രയോജനപ്രദം. പയർവർഗങ്ങളിൽ ഏറ്റവും ശ്രേഷ്ഠം ചെറുപയർ തന്നെ. ഇതര പയർ വർഗങ്ങളെ അപേക്ഷിച്ചു ഭാരം കുറഞ്ഞതും എളുപ്പത്തിൽ ദഹിക്കുന്നതുമാണ് ചെറുപയർ. വെള്ള, മഞ്ഞ, പച്ച, ചുവപ്പ്, നീലകലർന്ന കറുപ്പ് എന്നിങ്ങനെ അഞ്ചു തരം ചെറുപയറുകളിൽ പച്ചനിറത്തിലുള്ളതാണ് ഏറ്റവും മികച്ചതെന്ന് ആയുർവേദം പറയുന്നു. Vigna radiata എന്നു ശാസ്ത്രീയനാമം.

ആയുർവേദ വിധിപ്രകാരം മധുരകഷായ രസവും ശീത വീര്യവും ലഘു രൂക്ഷഗുണവും മധുര വിപാകത്തോടും കൂ ടിയതാണ് ചെറുപയർ. കഫം, പിത്തം എന്നീ ദോഷങ്ങൾ കൊണ്ടുണ്ടാകുന്ന രോഗങ്ങൾ, രക്തദോഷം, രക്തപിത്തം, നേത്രരോഗം, കരൾവീക്കം, മഞ്ഞപ്പിത്തം, വയറിളക്കം, പനി തുടങ്ങിയ രോഗങ്ങൾക്കുള്ള ചികിത്സയിൽ ചെറുപയർ ഗുണകരമാണ്. ജ്വരം ശമിപ്പിക്കാനും ത്രിദോഷം നിയന്ത്രി ക്കാനും ഫലപ്രദം. വിത്ത്, വേര് എന്നിവയാണ് ഔഷധ യോഗ്യ ഭാഗങ്ങൾ. ഇലയും തണ്ടും നല്ല കാലിത്തീറ്റയാണ്. വിത്തിൽ അൽബുമിനോയ്ഡ്, സ്റ്റാർച്ച്, എണ്ണ, കൊഴുപ്പ്, നാരുകൾ, ഇരുമ്പ്, മഗ്നീഷ്യം, പൊട്ടാസ്യം, വളരെ വേഗം ദഹിക്കുന്ന പ്രോട്ടീൻ എന്നിവ അടങ്ങിയിട്ടുണ്ട്.

ആരോഗ്യരക്ഷയ്ക്ക്