മെഗാസ്റ്റാറിന്റെ യൂണിവേഴ്സൽ ടർബോ

ഒരു കഥാപാത്രം നന്നാകാൻ തന്റെ കഴിവിന്റെ പരമാവധി എഫർട്ടും ഉപയോഗിക്കുന്ന നടനാണ് മമ്മൂട്ടി. അതൊക്കെ അദ്ദേഹത്തിന് വിജയം സമ്മാനിക്കുകയും ചെയ്തിട്ടുണ്ട്. വ്യത്യസ്ത കഥാപാത്രങ്ങളെ പ്രേക്ഷകർ പ്രതീക്ഷിക്കുന്നതിലും അപ്പുറത്ത് അവതരിപ്പിച്ചു കൊണ്ട് ഞെട്ടിച്ച ഒരു മഹാ നടൻ കൂടിയാണ് മമ്മൂട്ടി. ഷൂട്ടിംഗിനിടയിൽ ഉണ്ടാകാറുള്ള പരിക്ക് പോലും വകവയ്ക്കാതെ അദ്ദേഹം ആ പൂവിനൊപ്പം ഷൂട്ടിംഗ് അവസാനം വരെ കൂടെനിൽക്കും. കൂടെ അഭിനയിക്കുന്നവർക്ക് അദ്ദേഹത്തിൽ നിന്നും പഠിക്കാൻ കുറേ ഏറെ കാര്യങ്ങളുമുണ്ടാകും. അത് പലരും തുറന്നു സമ്മതിച്ച കാര്യം കൂടിയാണ്. ഇപ്പോഴിതാ ടർബോ എന്ന യൂണിവേഴ്സൽ ത്രില്ലർ സിനിമയുമായാണ് മമ്മൂട്ടി പ്രേക്ഷകർക്ക് മുന്നിലെത്തിയിരിക്കുന്നത്. ആ സിനിമാ വിശേഷങ്ങൾ അദ്ദേഹം വെള്ളിനക്ഷത്രത്തോട് പങ്കുവയ്ക്കുന്നു...

-  മമ്മൂട്ടി/ ബി.വി. അരുൺ കുമാർ അഭിമുഖം

ടർബോ ജോസിനെ കുറിച്ച് പറയാമോ?

ഈ സിനിമയിൽ രണ്ട് ആൾക്കാരുടെ എക്സിപിരിയൻസുണ്ട്. ഒന്ന് യഥാർത്ഥ അഴിമതിക്കഥ. അത് നടന്നതാണ്. ഇപ്പോഴും നടക്കാവുന്നതും നടന്നേക്കാവുന്നതുമായ ഇലമെന്റാണത്. മറ്റൊന്ന് ജോസിന് പറ്റുന്ന അബദ്ധങ്ങളാണ്. ജോസ് എന്നു പറഞ്ഞാൽ ഒരു മാസ് ഹീറോ അല്ല. നിഷ്കളങ്കനാണ്. എന്നാൽ ഇന്നസെന്റ് പോലുമല്ല. എന്തിനും ചാടിയിറങ്ങുന്ന ഒരാൾ. ആ ജോസിന് പറ്റുന്ന അബദ്ധമാണ് ഈ സിനിമയിലുള്ളത്. അത് ഈ കഥ എഴുതിയ മിഥുൻ മാനുവൽ തോമസിന്റെ സുഹൃത്തിന് പറ്റിയ സംഭവം തന്നെയാണ്.

ഇതൊരു റിയൽ ലൈഫ് സ്റ്റോറിയാണോ?

റിയൽ ലൈഫിൽ പറ്റിയ രണ്ടു സംഭവങ്ങളെ കണക്റ്റ് ചെയ്താണ് ടർബോ ചെയ്തിരിക്കുന്നത്. പക്ഷേ സ്റ്റണ്ടും കാര്യങ്ങളും ജീവിതത്തിൽ നടന്നിട്ടുണ്ടായിട്ടില്ല. അതൊക്കെ സിനിമയ്ക്കു വേണ്ടി ചേർത്തതാണ്.

ടർബോ എന്ന് പേരിടാൻ കാരണമെന്തായിരുന്നു? ജോസിന്റെ എടുത്തു ചാട്ടം തന്നെയാണ് കാരണം. എന്തു പറഞ്ഞാലും ജോസിന്റെ ടർബോ ഓണാകും. ഞെരിപിരിപ്പുള്ള ആളെന്നു പറയുന്ന പോലൊരാൾ. പക്ഷേ അയാൾ ഒരു നാടൻ ചട്ടമ്പിയോ, തെമ്മാടിയോ, വഴക്കാളിയോ അല്ല. പക്ഷേ ഇതിന്റെയൊക്കെ ഇലമെന്റ് ജോസിനുണ്ട്. അദ്ദേഹം ഒരു ഡ്രൈവറാണ്. പക്ഷേ അദ്ദേഹം അടിക്കും. എന്നാൽ ജോസ് നേരിടേണ്ടി വരുന്നത് വൻ അടിയാണ്. അവിടെ ജോസ് പതറിപ്പോകും.

ഒരു മാസ് ജേണറിൽ ഉൾപ്പെടുത്താവുന്ന പടമല്ലേ ടർബോ ?

ഇത് മാസ് പടമല്ല. മാസ്, ക്ലാസ്, ഫാമിലി അങ്ങനെയൊന്നുമില്ല. ഇത് തരംതിരിവില്ലാതെ ആൾക്കാർക്ക് കാണാനുള്ള പടം. യൂണിവേഴ്സൽ ത്രില്ലറെന്നു പറയാം. അങ്ങയൊരു ജേണറുണ്ടാക്കാം.

ഷൂട്ടിംഗിന് നാലുമാസത്തോളം എടുത്തല്ലോ? എറണാകുളം, കോയമ്പത്തൂർ, മദ്രാസ്, ഹൈറേഞ്ച് ഭാഗങ്ങളിലാണ് ഷൂട്ടിംഗ് നടന്നത്. സിംഹഭാഗം തമിഴ് നാട്ടിലാണ് നടക്കുന്നത്. ഒരുപാട് തമിഴ് കഥാപാത്രങ്ങൾ ഈ സിനിമയിലുണ്ട്. തമിഴിലെ പ്രസിദ്ധരായ ആൾക്കാരാണ് ഇതിൽ അഭിനയിച്ചിരിക്കുന്നത്.

അന്യഭാഷാ താരങ്ങളും ഇതിലുണ്ട്. അത് പ്രമോഷന് വേണ്ടിയായിരുന്നോ?