പനമ്പിള്ളി നഗറിലെ താമസക്കാർ

എറണാകുളം നഗരത്തിലെ സമ്പന്നരുടെ താമസസ്ഥലമാണ് പനമ്പിള്ളി നഗർ. ആ പനമ്പിള്ളി നഗറിൽ താമസക്കാരുടെ കഥ പറയുന്ന സിനിമയാണ് ജൈസൻ ജോസഫ് എഴുതി സംവിധാനം ചെയ്യുന്ന 'പനമ്പിള്ളിനഗറിലെ താമസക്കാർ.

- ജി.കെ

ജെസൻ ജോസഫ് സംവിധാനം ചെയ്യുന്ന നാലാമത്തെ സിനിമയാണ് പനമ്പിള്ളി നഗറിലെ താമസക്കാർ. ഡ്യൂപ്പും റോപ്പും ഇല്ലാത്ത മലയാളത്തിലെ ആദ്യത്തെ ഫൈറ്റ് സിനിമയിലെ റിയൽ ഫൈറ്റർ(2017) ആണ് ജെസൻ ജോസഫിന്റെ ആദ്യ സിനിമ. 2019 ൽ റിലീസായ "കലിപ്പാണ് ജെസന്റെ രണ്ടാമത്തെ സിനിമ. ഇക്കഴിഞ്ഞ മെയ് മാസം "റാസ് എന്നൊരു സിനിമ റിലീസ് ചെയ്തിരുന്നു. അതാണ് ജെസൻ ജോസഫ് സംവിധാനം നിർവ്വഹിച്ച മൂന്നാമത്തെ സിനിമ.

ഒരു കുടുംബത്തിലെ സൗഹൃദ ബന്ധങ്ങൾ നർമ്മരസങ്ങളിലൂടെ അവതരിപ്പിക്കുന്നു എന്നൊരു വിശേഷത കൂടി ഈ സിനിമയ്ക്കുണ്ട്. പ്രമുഖരും പുതുമുഖങ്ങളുമായ ചിത്രത്തിൽ ഒരുപിടി താരങ്ങൾ ഈ അണിനിരക്കുന്നു. ഈ സിനിമയിലെ നായകവേഷം ചെയ്യുന്നത് സംവിധായകൻ ജെസൻ ജോസഫാണ്. "റാസ' എന്ന സിനിമയ്ക്ക ശേഷം ജെസൻ ജോസഫ് മറ്റൊരു വ്യത്യസ്ത കഥാപാത്രത്തിന് നായകപരിവേഷം നൽകുന്നു.