സ്വർഗ്ഗം

സ്വർഗ്ഗം എന്നത് ജീവിതത്തിൽ മനുഷ്യർക്കുതന്നെ സൃഷ്ടിക്കാവുന്നതാണെന്ന സത്യം കാട്ടിത്തരുന്ന ചിത്രമാണിത്.

- വാഴൂർ ജോസ്

സ്വർഗ്ഗം എന്നത് ജീവിതത്തിൽ മനുഷ്യർക്കുതന്നെ സൃഷ്ടിക്കാവുന്നതാണെന്ന സത്യം കാട്ടിത്തരുന്ന ചിത്രമാണിത്. റെജീസ് ആന്റണിയാണ് ഈ ചിത്രം സംവിധാനം ചെയ്യുന്നത്.

ഏറെ ശ്രദ്ധേയമായ ഒരു സെക്കന്റ് ക്ലാസ് യാത്ര എന്ന ചിത്രത്തിനുശേഷം റെജീസ് ആന്റണി സംവിധാനം ചെയ്യുന്ന ഈ ചിത്രത്തിന്റെ നിർമ്മാണ പ്രവർത്തനങ്ങൾ പൂർത്തിയായി വരുന്നു.

സി.എൻ. ഗ്ലോബൽ മൂവി സിന്റെ ബാനറിൽ ലിസ്സി കെ. ഫെർണാണ്ടസും ടീമുമാണ് ഈ ചിത്രം നിർമ്മിക്കുന്നത്.

മദ്ധ്യതിരുവിതാംകൂറിലെ രണ്ട് ക്രൈസ്തവ കുടുംബങ്ങളെ പ്രധാനമായും കേന്ദ്രീകരിച്ചു കൊണ്ടാണ് ഈ ചിത്രത്തിന്റെ അവതരണം. അയൽവാസികളാണെങ്കിലും വ്യത്യസ്ത സാഹചര്യങ്ങളിൽ കൂടി ജീവിക്കുന്ന രണ്ട് കുടുംബങ്ങൾ.