കാഥികൻ

കഥാപ്രസംഗകലയിലെ കുലപതി എന്നു വിശേഷിപ്പിക്കാവുന്ന സാംബശിവന്റെ കാലത്തെ ഓർമ്മകൾ സമ്മാനിക്കുന്ന ഒരു കഥാപാത്രം തന്നെയായിരിക്കും ഇതിലെ കാഥികൻ ചന്ദ്രസേനൻ.

- എ എസ് ദിനേശ്

വ്യത്യസ്തമായ പ്രമേയങ്ങളും തനതായ അവതരണ ശൈലിയുമായി മലയാള സിനിമയ്ക്ക് നെഞ്ചോടു ചേർത്തുപിടിക്കാൻ നിരവധി ചിത്രങ്ങൾ സമ്മാനിച്ച ജയരാജ് സംവിധാനം ചെയ്യുന്ന ഏറ്റവും പുതിയ ചിത്രമാണ് "കാഥികൻ.

താരപ്പൊലിമയും വർണ്ണപ്പകിട്ടുമൊക്കെയുള്ള ചിത്രങ്ങളും, താരബഹളമില്ലാതെ കഥയുടെ കെട്ടുറപ്പിലൂടെ എന്നും സന്തോഷവും വിങ്ങലുമൊക്കെ പ്രേക്ഷകരെ അനുഭവിപ്പിച്ച ജയരാജിന്റെ പുതിയ ചിത്രമായ "കാഥികൻ' ഓർത്തുവെയ്ക്കാൻ ഒരുപാടു വിശേഷങ്ങളുമായി എത്തുകയാണ്.

അന്യം നിന്നുപോയി എന്നു നാം കരുതിപ്പോരുന്ന കഥാപ്രസംഗമെന്ന കലാരൂപത്തെ ഈ ചിത്രത്തിലൂടെ വീണ്ടും ഓർമ്മപ്പെടുത്താനുള്ള അവസരമൊരുക്കുകയാണ് ജയരാജ് ഈ ചിത്രത്തിലൂടെ.