യുപിഐ ഇടപാടുകളിൽ പ്രത്യേക ശ്രദ്ധ വേണം

സൈബർ ക്രൈം

-  ഇ. എസ്. ബിജുമോൻ സൈബർ ഫൊറൻസിക് ആൻഡ് ഇൻവെസ്റ്റിഗേറ്റിങ് എക്സ്പെർട്ട്

അതിവേഗം വളർന്നു കൊണ്ടിരിക്കുന്ന സാങ്കേതികവിദ്യ നമ്മുടെ ജീവിതം കൂടുതൽ ലളിതമാക്കിക്കൊണ്ടിരിക്കുകയാണ്. അതിൽ എടുത്തുപറയേണ്ട ഒന്നാണ് സാമ്പത്തിക ഇടപാടുകൾ എളുപ്പമാക്കുന്ന യുപിഐ അഥവാ യൂണിഫൈഡ് പേയ്മെന്റ് ഇന്റർഫെയ്സിന്റെ കടന്നുവരവ്. യുപി ഐ ഉപയോഗിച്ചും പല തരത്തിലുള്ള തട്ടി പ്പുകൾ നടക്കുന്നു.

ഫിഷിങ് തട്ടിപ്പ്

വ്യാജ പേജുകളും ക്യുആർ കോഡ് പോലെയുള്ളവയും ഉപയോഗിച്ചു നടക്കുന്ന തട്ടിപ്പാണിത്. ഇവിടെ പ്രമുഖ യുപിഐ ആപ്ലിക്കേഷനുകളുടെ പേരും ലോഗോയും മറ്റു വിവരങ്ങളും ദുരുപയോഗം ചെയ്യപ്പെടുന്നു. അത്തരം കമ്പനികളുടെ പേരിനോടു സമാനമായ വെബ്സൈറ്റ്, ആപ്ലിക്കേഷൻ തുടങ്ങിയവ ഉപയോഗിച്ചും ഇ-മെയിൽ, വാട്സാപ്, ടെക്സ്റ്റ് സന്ദേശങ്ങളിലൂടെയും തട്ടിപ്പുകാർ പണം അപഹരിക്കുന്നു. നറുക്കെടുപ്പിലൂടെ സമ്മാനത്തിന് അർഹരായി, വ്യക്തിഗത വായ്പ, സർക്കാർ ഗ്രാൻഡ് പോലെയുള്ള വാഗ്ദാനങ്ങൾ നൽകിയാണ് ആളുകളെ ആകർഷിക്കുന്നത്. ഈ നേട്ടങ്ങൾക്കായി ബാങ്കിങ് വിവരങ്ങളും ഒടിപിയുമെല്ലാം നിങ്ങളിൽ നിന്നു സൂത്രത്തിൽ കൈക്കലാക്കിയ ശേഷം യുപിഐ വഴി പണം തട്ടിയെടുക്കുന്ന രീതിയാണിത്.

ചാറ്റ്ബോട്ടും എഐയും