എലിപ്പനി നായ്ക്കളിൽ

പെറ്റ്സ് കോർണർ

- ഡോ. ബീന. ഡി

മൃഗങ്ങളിൽനിന്നും മനുഷ്യരിലേക്കു പകരാൻ സാധ്യതയുള്ള ഒരു ജന്തു ജന്യ രോഗമാണ് എലിപ്പനി. ലെപ്റ്റോ സ്പൈറ' വിഭാഗത്തിൽപ്പെട്ട ബാക്ടീരിയകളാണ് നായ്ക്കളിൽ പ്രധാനമായും ഈ രോഗം ഉണ്ടാക്കുന്നത്. എലികളുടെയും പെരുച്ചാഴികളുടെയും മൂത്രം കലർന്ന മലിനമായ വെള്ളത്തിലൂടെയാണ് രോഗപകർച്ച. കുടിവെള്ളം, തീറ്റ, ശരീരത്തിലെ മുറിവുകൾ എന്നിവ വഴി രോഗാണുക്കൾ ശരീരത്തിനുള്ളിൽ പ്രവേശിക്കുന്നു. രോഗാണുബാധ ഉണ്ടായാൽ രണ്ടു മുതൽ 14 ദിവസങ്ങൾക്കുള്ളിൽ രോഗലക്ഷണങ്ങൾ പ്രകടമാകും.