அதிக வியர்வையும் அளவுக்கு அதிகமான குடிநீரும் ஆபத்து!

வெளிப்புறங்களில் பணிபுரியும்போதும், பயணம் செய்யும்போதும் சராசரியாக வெளியேறும் வியர்வையைவிடவும் வெயில் காலங்களில் மூன்று முதல் நான்கு மடங்கு வியர்வை வெளியேறும்.

- 

வியர்வை வெளியேறுவதன் காரணம் என்ன?

உடலின் மையப்பகுதி சூடாகும்போது உடலைக் குளிர்விக்கும் பொருட்டு வியர்வை வெளியேறுகிறது.

இதற்காக உடல் முழுவதும் நமது சருமத்தில் வியர்வைச் சுரப்பிகள் உள்ளன.

வியர்வையில் நீர் மட்டும் வெளியாவ தில்லை, அதனுடன் சோடியம், பொட்டாசியம் போன்ற முக்கிய தாது உப்புகளும் வெளியேறுகின்றன.

மேலும் அதீத வியர்வை நீண்ட நேரம் ஏற்படும்போது நமது ரத்தத்தின் மொத்த நீர்ச்சத்து அளவு குறையும். இதனால் ரத்த நாளங்களுக்குள்ளேயே ரத்த உறைதல் நிகழ்வுகள் தூண்டப்படலாம்.

அதீத உடல் உழைப்பு, வெயில் காலங்களில் அதீத வியர்வை ஏற்படும் போது பொட்டாசியம் அளவு குறைந்து 'ஹைப்போ கலீமியா' எனும் நிலை உண்டாகும்.

இந்த நிலையில் நமது இதயமானது தறிகெட்டுத் துடிக்க ஆரம்பிக்கும். இதன் விளைவாகவும் இதய செயல் முடக்க நிலை ஏற்படலாம்.

வியர்வை அதிகமாக வெளியேறும் போது அதை வெறுமனே நீர் மட்டும் கொண்டு ஈடுசெய்வதில் இன்னுமொரு பிரச்னை இருக்கிறது.