നിറം കെട്ടടങ്ങിയ ട്രൂഡോമാനിയ

വ്യക്തി വിശേഷം വാർത്തയിലെ വ്യക്തിമുദ്രകൾ

- ശ്വേത എസ്.നായർ

ജനപ്രീതി നഷ്ടമായതോടെ കാനഡയുടെ പ്രധാനമന്ത്രി പദവും പാർട്ടി നേതൃസ്ഥാനവും രാജിവച്ചു ജസ്റ്റിൻ ട്രൂഡോയുടെ വഴിമാറ്റം

കാനഡയുടെ പ്രധാനമന്ത്രി ജസ്റ്റിൻ ട്രൂഡോയുടെ രാജി കനേഡിയൻ രാഷ്ട്രീ യരംഗത്തെ ചൂടുപിടിപ്പിക്കുകയാണ്. രാജ്യത്തിനകത്തും രാജ്യാന്തര തലത്തിലും ജനപ്രീതി ഇടിഞ്ഞതോടെ 9 വർഷം നീണ്ടുനിന്ന ഭരണത്തിനു വിരാമമിട്ടു ട്രൂഡോ രാജി പ്രഖ്യാപിക്കുകയായിരുന്നു. പ്രധാനമന്ത്രി പദത്തിനൊപ്പം ലിബറൽ പാർട്ടിയുടെ നേതൃസ്ഥാനത്തു നിന്നും സ്വയം ഒഴിഞ്ഞ അൻപത്തിമൂന്നുകാരൻ പുതിയ നേതാവിനെ തിരഞ്ഞെടുക്കും വരെ താൽക്കാലിക പ്രധാനമന്ത്രിയായി തുടരും. പാർട്ടിക്കുള്ളിലെ പ്രശ്നങ്ങളും രാജ്യം നേരിടുന്ന വെല്ലുവിളികളും ജനങ്ങൾക്കുണ്ടാക്കിയ കടുത്ത അസംതൃപ്തിയുമാണു അപ്രതീക്ഷിത രാജിയിലേക്കു നയിച്ചത്.