மாம்பழப் பொறி

ஐம்பி குரங்கு சாதாரணமாக நித்தமும் மகிழ்ச்சியாகக் கூவி நடமாடும் ஒரு அப்பாவி.

- விவேக் சக்ரவர்த்தி

காட்டில் உள்ள மற்ற விலங்குகள் அவனைத் தொந்தரவு செய்து மகிழ்வது வழக்கம்.

"நான் ஜாலி ஜாலி ஜம்பி!" என்று தனது சுருதியை உயர்த்திக்கொண்டு நடந்து சென்று கொண்டிருந்த போது, யாரோ அழைத்தது கேட்டது.

"ஜம்பி, ஒரு உதவி செய்கிறாயா?"- அது பேடி நரி.

ஜம்பி ஆச்சரியமடைந்தான்.

"பேடி, நீயா என்னிடம் உதவி கேட்கிறாய்?"

"ஏன், நான் கேட்கக்கூடாதா? நாம் ஒரே காட்டில் இருக்கிறோம் அல்லவா? ஒருவருக்கொருவர் உதவுவது நல்லதுதானே," என்று பேடி சொன்னான்.

"சரி, என்ன உதவி வேண்டும்?" என்றான் ஜம்பி.

"அங்கே இருக்கும் தோட்டத்திலிருந்து சில மாம்பழங்களை எனக்காகப் பறித்துத் தர முடியுமா?"

"மாம்பழமா? ஆனால் அந்த தோட்டம் ஜம்போவுக்கு சொந்தம். யாரும் அவன் மரங்களிலிருந்து பழங்களைப் பறிப்பது அவனுக்கு பிடிக்காது என்பதை நீயே அறிவாய்!"

"அவைகள் மருந்து தயாரிப்புக்காக வேண்டும். எனக்கு வயிற்று வலி அதிகமாக உள்ளது!" என்று பேடி பாவப்பட்டு நடித்தான்.

"மன்னிக்க வேண்டும் பேடி, நான் ஜம்போவிடம் கேட்காமல் அவன் தோட்டத்திலிருந்து பழங்களைப் பறிக்க முடியாது," என்று ஜம்பி மென்மையாக சொன்னான்.