ஜூனோவின் அதிசய மருந்து

கோ கோ கரடி தனது தோற்றத்தைப் பற்றி அதிகம் கவலைப்படத் தொடங்கினான்.

- ரேகா ஷா அரபி

அவன் தனது முடியைப் பற்றி மிகவும் கவனமாக இருந்தான், ஆனால் சமீபத்தில், ஏதோ ஒரு விசித்திரமான காரணத்தால், அவன் சீவும் போதெல்லாம், முடி கொத்துக் கொத்தாக உதிர்ந்து கொண்டிருந்தது. அவன் தன் உடலில் சில இடங்களில் வழுக்கைப் பட்டைகளையும் கவனிக்கத் தொடங்கினான்.

ஒரு நாள், கோகோவின் வீட்டிற்கு அருகே செல்லும் வழியில் ராஜா லியோ சிங்கம் வாக்கிங் போய் கொண்டிருந்தான். அப்போது, கோகோ தன் தோட்டத்தில் முன்னும் பின்னுமாக நடந்து கொண்டு, தனக்குள் முணுமுணுத்துக் கொண்டிருப்பதைப் பார்த்தான்.

"வணக்கம், கோகோ!" என்று ராஜா கூறினான். “எப்படி இருக்கிறாய்? நீ கவலைப் பட்டுக் கொண்டிருக்கிறாய் போல் தெரிகிறது. உனக்கு ஏதேனும் பிரச்சினை இருந்தால், என்னிடம் சொல். எனது இராஜ்யத்தில் யாரும் துன்பப்படுவதை நான் விரும்பவில்லை.”

''மகாராஜா, உங்கள் இராஜ்யத்தில் எந்த துன்பமும் இல்லை; ஒவ்வொரு குடிமகனும் மகிழ்ச்சியாகவும் திருப்தியாகவும் இருக்கிறார்கள். ஆனால், எனக்கு ஒரு பிரச்சினை இருக்கிறது, அதை நீங்கள் தீர்த்து வைத்தால், நான் மிகவும் மகிழ்ச்சியடைவேன்,” என்று கோகோ பணிவாகக் கூறினான்.

“என்னிடம் சொல்," என்று ராஜா லியோ அக்கறையுடன் கூறினான். மகாராஜா, நான் எவ்வளவு என் முடியை நேசிக்கிறேன் என்பது உங்களுக்குத் தெரியும். என் முடி மினுமினுப்பாகவும் நேர்த்தியாகவும் இருக்கும்.

அது இரவில் என்னை வெப்பமாக வைத்திருக்கிறது. “ஆம், கோகோ, உனக்கு உண்மையிலேயே அற்புதமான முடி உள்ளது,” என்று ராஜா லியோ பதிலளித்தான். "ஆனால் கடந்த சில நாட்களாக, என் முடி உதிர்ந்து கொண்டிருக்கிறது!" என்று கோகோ அழுது கொண்டே கூறினான். “இந்த விகிதத்தில் உதிர்ந்தால், என் அழகு முற்றிலும் மறைந்து விடும். இதனால் மிகவும் வருத்தமடைகிறேன், மகாராஜா. தயவுசெய்து எனக்கு ஒரு தீர்வைக் கண்டறிந்து சொல்லுங்கள்.”