Jaguar i Pace

റേഞ്ച് 480 കിമീ

- 

എസ്യുവി എന്ന വിശേഷണമാണ് ജാഗ്വാർ ഐ പേസിനു നൽകുന്നതെങ്കിലും കാഴ്ചയിൽ ഇത് എസ് യു വി തന്നെയോ എന്നു ചെറിയ സംശയം തോന്നിപ്പിക്കും. കാരണം, ഉയരക്കുറവുതന്നെ. താഴ്ന്ന റൂഫ് ലൈനും ബോണറ്റ് ലൈനുമെല്ലാം ഇത് ശരിവയ്ക്കുന്നുമുണ്ട്. ജാഗ്വാറിന്റെ സ്പോർട്സ് കാറായ എഫ് ടൈപ്പിനോടാണ് ഐ പേസിനു ഡിസൈനിൽ കൂടുതൽ സാമ്യം. മുന്നിൽ നിന്നുള്ള കാഴ്ചയിൽ ജാഗ്വാറിന്റെ മറ്റു കാറുകളോടു സാമ്യം തോന്നുന്ന ഡിസൈനാണ്. വശങ്ങളിലേക്കും പിന്നിലേക്കുമാണ് എസ്യുവിയുടെ കട്ടുകളുള്ളത്. ഒറ്റനോട്ടത്തിൽ ഇതൊരു ഇലക്ട്രിക് കാറാണെന്നു തോന്നില്ല. നീളം കുറഞ്ഞ ബോണറ്റാണ്. ചതുരവടിവാർന്ന ഗ്രില്ലും ഉയർന്ന പുരികക്കൊടിപോലുള്ള ഹെഡ്ലാംപും ഐ പേസിനെ കുടുംബത്തിലെ മറ്റുള്ളവരോടു ചേർത്തുനിർത്തുന്നു.

19 ഇഞ്ച് വീലുകളാണ്. ഗ്രൗണ്ട് ക്ലിയ റൻസ് 174 എംഎം. പോപ് അപ് ഡോർ ഹാൻഡിലുകളാണ്. ജാഗ്വാറിന്റെ വമ്പൻ എവിയായ എഫ് പേസിനോളം നീളമുണ്ട്. വീതിയും വീൽബേസും എഫ് പേസിനെക്കാളുമുണ്ട്.