പാമിറിന്റെ താഴ്വരയിൽ

പാമിർ പർവതനിരയുടെ താഴെയായി താജിക്കിസ്താൻ എന്നൊരു കൊച്ചുരാജ്യമുണ്ട്. മായികമായ ഭൂപ്രകൃതിയും വിസ്മയിപ്പിക്കുന്ന മനുഷ്യരും അവിടെ സഞ്ചാരികളെ കാത്തിരിക്കുന്നു. ഇന്ത്യയുമായി അടുത്ത ബന്ധം പുലർത്തുന്ന, ബോളിവുഡ് സിനിമകളെ ഇഷ്ടപ്പെടുന്ന, ആ മധ്യേഷ്യൻ രാജ്യത്തിലൂടെ ഒരു യാത്ര.

- Text & Photos : ANAND KUMAR

ലോകത്തിന്റെ മേൽക്കൂര എന്നറിയപ്പെടുന്ന പാമിർ ഞങ്ങൾക്കു മുന്നിൽ ഒരു പട്ടുപോലെ പരന്നുകിടന്നു. കണ്ണത്താദൂരത്തോളം നീണ്ടുകിടക്കുന്ന മലനിരകൾ. മാനത്ത് പാറിനടക്കുന്ന മേഘക്കൂട്ടങ്ങൾ. താഴെ പച്ചപ്പുനിറഞ്ഞ കൃഷിയിടങ്ങൾ. അവിടെ മേയുന്ന അസംഖ്യം കന്നുകാലികൾ.