ഭക്തിയുടെ വൃശ്ചികം പിറന്നു

ശരണമന്ത്രങ്ങൾ ഉയർന്നു. ശബരിമല മണ്ഡല മകരവിളക്ക് തീർഥാടന നാളുകൾക്കു തുടക്കമായി. അയ്യപ്പസന്നിധിയിലേക്ക് ഇനി തീർഥാടകരുടെ പ്രവാഹം. പഴയ കാലം പോലെയല്ല ഇത്തവണത്തെ തീർഥാടനകാലം. വിവിധതരത്തിലുള്ള നിയന്ത്രണങ്ങളുണ്ട്. കോവിഡ് മാനദണ്ഡങ്ങൾ എല്ലാ മേഖലയിലും ഉണ്ട്.

- ആത്മജ വർമ തമ്പുരാൻ

ശബരിമല തീർഥാടനത്തോടനുബന്ധിച്ച് പ്രധാനമായും 7 ഇടത്താവളങ്ങളാണ് ദേവസ്വം ബോർഡ് ക്രമീകരിച്ചിരിക്കുന്നത്. കഴക്കൂട്ടം, ചെങ്ങന്നൂർ, നിലയ്ക്കൽ, എരുമേലി, ചിറങ്ങര, ശുകപുരം, മണിയൻകോട് എന്നിവിടങ്ങളിൽ അടിസ്ഥാന സൗകര്യങ്ങൾ ഉണ്ടാകും. ഭക്ഷണം, വെള്ളം, വാഹന പാർക്കിങ്, താമസം, വിശ്രമം, വിരിവയ്ക്കൽ എന്നിവയ്ക്കുള്ള സൗകര്യങ്ങളാണ് ഇവിടെ ഉണ്ടാവുക.