சுந்தர் கே. விஜயன் - மாமியார் மருமகள் கதைகளை உடைக்க வேண்டும்!

சுந்தர் கே. விஜயனைத் தவிர்த்துவிட்டு தமிழ்த் தொலைக்காட்சிகளின் நெடுந்தொடர்கள் பற்றிப் பேச முடியாது. இதுவரை சுமார் பதினைந்தாயிரம் எபிசோடுகளுக்கு மேல் இயக்கி இருக்கிறார். சன் டிவியில் வெளியான 'குங்குமம்', ‘ஜன்னல்', 'ஊஞ்சல்', 'அண்ணாமலை', 'நிறங்கள்', 'அலைகள்', 'செல்வி', அரசி' என அவர் இயக்கிய நெடுந்தொடர்களின் பட்டியல் மிக நீளம். அந்திமழைக்காக இவரிடம் பேசியதிலிருந்து.

- க.பவித்ரன்

"சிறு வயதிலிருந்தே எனக்குப் படிப்பு சரியாக வரவில்லை. இதனால், என் அப்பா இயக்குநர் கே.விஜயன் அவர்களுடன் படப்பிடிப்புக்குப் போவேன். வீட்டிலிருக்கும் நேரத்தில் நாற்காலியை சூட்டிங்கில் ட்ராலி தள்ளுவதைப் போல் தள்ளி விளையாடுவேன். இதை அம்மா கவனித்திருக்கிறார். அதோடு, நான் எட்டாவது படிக்கும் போது இந்தி தேர்வில் மட்டும் தேர்ச்சி