முயற்றின்மை இன்மை புகுத்தி விடும்

ஐங்கரன் முத்துசாமி, சரஸ்வதி தம்பதியரின் ஒரே மகன். நீண்ட காத்திருப்பிற்குப் பின்னர் பிறந்த மகன். ஆம், மிகவும் வசதியாக வாழ்ந்து வந்த முத்துசாமி குடும்பத்திற்கு, ஆண் வாரிசு இல்லை என்ற ஏக்கம் நெடுநாட்களாக இருந்து வந்தது. முதலில் பிறந்த பெண் குழந்தையான அமுதாவிற்கு, ஐந்து வயது இருக்கும் போதுதான் இரண்டாவது பெண் குழந்தை பிறந்தது. ஆனால், பிறந்த சில வாரங்களிலேயே இதயத்தில் இருந்த பிரச்சினையால் அக்குழந்தை இறந்துவிட்டது.

- 

அதற்குப் பின்னர் முத்துசாமியும், சரஸ்வதியும் போகாத கோவில்களே இல்லை எனலாம்; அந்தளவிற்கு கோவில், குளங்கள் என அலைந்த பின்னர்தான் ஐங்கரன் பிறந்தான். இதுபோன்று நீண்ட எதிர்பார்ப்பிற்குப் பின்னர் பிறக்கும் குழந்தைகளை மிகவும் கொடுத்து வைத்தவர்கள் என்றே சொல்லலாம். ஏனெனில், அவர்கள் பாதங்களில் மண் படிந்திருக்கவே செய்திருக்காது.