വീടിനു വേണം കോയ് പോണ്ട്

പൂന്തോട്ടവും അലങ്കാര മത്സ്യങ്ങളുമെല്ലാം ചേരുന്ന ഇക്കോ സിസ്റ്റമാണ് വിട് പുതിയ തരംഗമായ കോയ് പോണ്ട് ഒരുക്കുന്നത് എങ്ങനെ എന്നു നോക്കാം

- 

ചെടികളും മരങ്ങളും മീനുകളുമെല്ലാം ഉൾപ്പെടുന്ന ഇക്കോസിസ്റ്റം ആകണം വീട്. ഈ ചിന്തയിൽ നിന്നാണ് വീടായാൽ അലങ്കാരമത്സ്യക്കുളം വേണം എന്നത് ട്രെൻഡിങ്ങായത് . കോസ്കാർപ് മത്സ്യങ്ങൾ തുള്ളിക്കളിക്കുന്ന കോയ് പോണ്ടുകൾ (Koipond) ഇപ്പോൾ വീടുകളുടെ ഭാഗമാണ്. കാഴ്ചയുടെ കൗതുകം മാത്രമല്ല, വീട്ടുകാരുടെ മാനസികാരോഗ്യം മെച്ചപ്പെടുത്താനും കോയ് പോണ്ടുകൾ സഹായിക്കും.

പ്ലാനിങ് എപ്പോൾ തുടങ്ങണം

വീടിനുള്ളിലാണ് കോയ് പോണ്ട് നിർമിക്കാൻ താൽപര്യമെങ്കിൽ അത് നേരത്തേ എൻജിനീയറെ അല്ലെങ്കിൽ ആർക്കിടെക്ടിനെ അറിയിക്കണം. വീടിന്റെ മുകളിലെ നിലകളിലാണ് ടാങ്ക് നിർമിക്കാൻ പ്ലാൻ എങ്കിൽ വെള്ളത്തിന്റെ ഭാരം കൂടി താങ്ങാൻ കഴിയും വിധത്തിൽ വീടിന്റെ സ്ട്രക്ച്ചർ ശക്തിപ്പെടുത്തണം. ലാൻഡ്സ്കേപ്പിന്റെ ഭാഗമായോ കോർട്യാർഡിലോ വരുന്ന കോയ് പോണ്ടിന്റെ നിർമാണം ഭിത്തി പ്ലാസ്റ്ററിങ് ചെയ്യുന്ന ഘട്ടത്തിൽ തുടങ്ങിയാൽ മതി. ഒരു വാട്ടർ ഇൻലെറ്റ് പോയിന്റും ഒരു ഇലക്ട്രി ക് പോയിന്റും പോണ്ടിനോടു ചേർന്നു വേണം. ഇതിനുള്ള സംവിധാനം മാത്രം നേരത്തേ ചെയ്യണം.

കുളത്തിന്റെ വലുപ്പം പ്രധാനം

വീടിനകത്തും പുറത്തും കോയ് പോണ്ട് നിർമിക്കാം. കുറഞ്ഞത് 5 X 3 അടി വലുപ്പമുള്ള കുളം എങ്കിലും വേണം കോയ് കാർപിന് സ്വതന്ത്രമായി സഞ്ചരിക്കാൻ രണ്ടര അടിയിൽ കൂടുതൽ ആഴം കൊടുക്കുന്നത് അപകടകരമാണ്, പ്രത്യേകിച്ച്, ചെറിയ കുട്ടികൾ ഉള്ള വീടുകളിൽ. ഇനി ചെറിയ കു ട്ടികൾ ഇല്ലെങ്കിലും അതിഥികളായിപ്പോലും വീട്ടിൽ കുട്ടികൾ വരാം എന്ന് ഓർക്കണം.