പഴയ മൊബൈൽ ഫോൺ സിസിടിവി ആക്കാം

സ്മാർട് ഫോണിലെ കൂടുതൽ ടെക്നിക്കുകൾ അറിയാനും വിവിധ ആവശ്യങ്ങൾ സ്മാർട്ടായി നിറവേറ്റാനും പഠിക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

കള്ളന്മാരുടെ ശല്യവും സാമൂ ഹിക വിരുദ്ധരുടെ പ്രശ്നങ്ങളും കാണുമ്പോൾ വീട്ടിൽ സിസിടിവി പിടിപ്പിക്കണമെന്നു മിക്കവർക്കും തോന്നും. പക്ഷേ, ചെലവ് ഓർക്കുമ്പോൾ പലരും പേടി ഉള്ളിലൊതുക്കും. അതിനൊരു പരിഹാരമാണ് ഇക്കുറി. ഒപ്പം എടിഎം കാർഡ് ഉപയോഗിച്ചു പണമിടപാട് അല്ലാതെ ചെയ്യാവുന്ന ഒരു കാര്യത്തെ കുറിച്ചും അറിയാം.

ഫോണിലെ സിസിടിവി

പഴയ മൊബൈൽ ഫോൺ സിസിടിവി ആക്കി മാറ്റുന്നതെങ്ങനെയെന്നു മനസ്സിലാക്കാം. ഫോണിനു മുന്നിൽ ആരെങ്കിലും വന്നാൽ അപ്പോൾ തന്നെ നോട്ടിഫിക്കേഷൻ ലഭിക്കാനും സിസിടി വി പോലെ ലൈവായി കാണാനും കഴിയുന്ന ആപ്ലിക്കേഷനാണ് ആൽഫ്രഡ് ക്യാമറ.