Merrily Merin

സൂക്ഷ്മദർശിനിയിൽ സ്റ്റെഫിയായെത്തിയ മെറിൻ ഫിലിപ് തമിഴിലും താരമാകാൻ ഒരുങ്ങുന്നു

- അഞ്ജലി അനിൽകുമാർ

നാടകത്തിലൂടെ അഭിനയത്തിലേക്ക്

ഞാൻ പഠിച്ചതും വളർന്നതുമൊക്കെ അബുദാബിയിലാണ്. പതിനാലാം വയസ്സിൽ, ബിജു കിഴക്കനേലയുടെ മണ്ണ് എന്ന നാടകത്തിലൂടെയാണ് അഭിനയജീവിതത്തിന്റെ തുടക്കം. അതിനുശേഷം അഭിനയത്തോടെനിക്ക് ഭയങ്കരമായൊരിഷ്ടം തോന്നിത്തുടങ്ങി. 2015ൽ ഗ്രാജുവേഷൻ ചെയ്യുന്നതിനായി നാട്ടിലേക്ക് വന്നു.

ആദ്യ സിനിമയുടെ സന്തോഷം ഞാനറിഞ്ഞത് പൂമരത്തിലൂടെയാണ്. പൂമരത്തിൽ കാളിദാസിനെ ദൂരെ നിന്നു മാത്രം കണ്ട ഞാൻ രണ്ടാമത്തെ സിനിമയായ ഹാപ്പി സർദാറിലൂടെ അദ്ദേഹത്തിന്റെ നായികയായി. അത് രസമുള്ള യാദൃച്ഛികതയാണ്. പിന്നീട് നല്ല അവസരങ്ങൾ വന്നെങ്കിലും കൊറോണ എല്ലാം തട്ടിത്തെറിപ്പിച്ചു.

മെറിൻ എവിടെ?