ജീവിതത്തിലെ മാജിക്

മാജിക് വിട്ടു ജീവിതം പുതുവഴിയിലെത്തിയ കഥകളുമായി ഗോപിനാഥ് മുതുകാട്

- രൂപാ ദയാബ്ജി 

ദൈവം പ്രത്യക്ഷപ്പെട്ട് ഒരു വരം ചോദിക്കാൻ അവസരം തന്നാൽ എന്തു ചോദിക്കും ? ധന്യ എ.ബി, മുളയൻകാവ്, പാലക്കാട്

മുഴുവൻ സമയ ജാലവിദ്യക്കാരനായി ജീവിച്ച കാലത്ത് ഈ ലോകത്തെ മു ഴുവൻ തിന്മകളെയും മായ്ച്ചുകളയുന്ന ഒരു മാന്ത്രികവടി വരമായി ചോദിച്ചേനെ. ഇന്നു ഭിന്നശേഷി കുട്ടികളാണ് എന്റെ ലോകം. അവരുടെ ജീവിതത്തിലൂടെ യാത്ര ചെയ്യുമ്പോൾ കാണുന്നതും കേൾക്കുന്നതും നമുക്കൊന്നും സങ്കൽപിക്കാൻ പോലുമാകാത്ത വേദനകളാണ്. അവരുടെ വേദന മാറ്റാനുള്ള വരമാകും ഇന്നു ദൈവത്തോടു ചോദിക്കുക.

താങ്കളുടെ ജീവിതാനുഭവങ്ങളെ മുൻനിർത്തി ഇന്നത്തെ കൗമാരത്തിനു നൽകാൻ ഒരു ഉപദേശം ? മാലിനി, സാലിഗ്രാമം. ചെന്നൈ

 കൃഷിക്കാരനോട് ഒരാൾ സംശയം ചോദിച്ചു, “വിളയും കളയും എങ്ങനെ തിരിച്ചറിയും?' കൃഷിക്കാരൻ ഇങ്ങനെ മറുപടി പറഞ്ഞു, “വിളയും കളയും പറിച്ചെടുത്തു വെറുതേ മണ്ണിലിടുക. ഒരു സംരക്ഷണവും കൂടാതെ മുളയ്ക്കുന്നതു കളയാണ്. സംരക്ഷിച്ചാൽ മാത്രം മുളച്ചു പൊങ്ങുന്നതാണു വിള