சூதாட்டக் களமான கிரிக்கெட் வியாபாரம்!

கிரிக்கெட் ஒரு விளையாட்டு என்ற நிலை மாறி, நிழல் யுத்தமாகி விட்டது. இரு அணிகளுக்கு இடையேயான கிரிக்கெட் போட்டியை இரு நாடு களுக்கு இடையேயான போராக கருதி ஆரவாரம் செய்கிறார்கள். இந்த புரியாமையை பகடைகாயாக்கி கிரிக்கெட் ஒரு விளையாட்டு என்ற நிலை மாறி, வணிகமாக, சூதாட்டமாக ஆகிவிட்டது தான் நடைமுறை உண்மை.

- 

வேறெந்த விளையாட்டிலும் இல்லாதவாறு கிரிக்கெட் முடிவுக்கு பெட் கட்டுகிறார்கள். பெட்டில் ஒருசாரார் ஜெயிப்பதற்கேற்றவாறு விளையாட்டின் சூழலை மாற்றுகின்றனர். இது நிரூபிக்கப்பட்ட கடந்த கால நிஜம்.

சமீபத்தில் நடந்துமுடிந்த உலகப்போட்டியில் கூட 500க்கும் மேற்பட்ட இணையதளங்கள் உலக கோப்பை 'பெட்டிங்' நடத்தியதாக செய்தி. பெரும்பாலான சூதாட்டக்காரர்கள் இந்திய அணியே வெல்லும் என பந்தயம் கட்டி காசை இழந்தது தனிக்கதை.

'எந்த அணி உலக கோப்பையை வெல்லும்?' 'யார் சிறப்பாக பேட்டிங் செய்வார்?' 'பந்து வீசு வார்?' 'எவ்வளவு ஸ்கோர் குவிக்கப்படும்' என்றெல்லாம் பிரித்து பீராய்ந்து பெட் கட்டியிருந்தார்கள். இவ்விதமாக ரூ.70 ஆயிரம் கோடிக்கு சூதாட்டம் நடந்ததாக தகவல் வெளியாகி உள்ளது.