సౌందర్య సలహాలు

సౌందర్య సలహాలు

- 

నాకు చాలా చెమట పడుతుంది.అందులో నుంచి చెడు వాసన వస్తుంటుంది.దీంతో ఏదైనా వ్యాధి రాదు కదా? నేను ఈ చెమట సమస్య నుంచి బయట పడే ఉపాయం చెప్పండి?

చెమట పట్టడం అదొక వ్యాధి కాదు. మనం అధిక బరువులు ఎత్తినా, ఎక్కువగా సైక్లింగ్ చేసినా, ఎక్కువ వ్యాయామాలు చేసినా లేదా వాతావరణంలో ఎక్కువ హ్యుమిడిటీ ఉన్నా చెమట పట్టడం సర్వసాధారణం.

మీ చెమట నుంచి లవణం, తీపి లాంటి వాసన వస్తూ ఉంటే లేదా మీ చెమట చాలా జిడ్డుగా ఉంటే మీరు కాలేయ వ్యాధి లాంటి కొన్ని వ్యాధులతో బాధపడుతున్నారని అర్థం చేసుకో వాలి. చెమట చేపల వాసన వస్తే మీలో జీవక్రియ రుగ్మత ఉన్నట్లు భావించాలి. కాబట్టి మీరు డాక్టర్ ను సంప్రదించండి. చెమట దుర్వాసన వదిలించు కోవడానికి క్రమం తప్పకుండా మీరు స్నానం చేయాలి. స్నానం చేస్తే మీ శరీరంలోని చెమట తొలగిపోతుంది. ఇన్ఫెక్షన్ ఏర్పడే ప్రమాదమూ తొలగి పోతుంది.

ఇక రెండో విషయం మీరు చెమటను పీల్చు కునే దుస్తులు ధరించాలి. అప్పుడప్పుడు మనం నైలాన్ దుస్తులు ధరిస్తాం. ఆ సమయంలో అవి చెమటను గ్రహించలేకపోతే చెమట ప్రవాహంలాగా బయటకు వస్తుంది. ఎక్కువ చమటతో ఇన్ఫెక్షన్ ఏర్పడే ప్రమాదముంటుంది. చాలా వేడిగా ఉన్న ప్పుడు ఏసీలో ఉండడానికి ప్రయత్నించండి. లేదా చల్లని వాతావరణంలో ఉండండి. చెమట తక్కువ పడుతుంది.