அலட்சியம் பிரச்சினையாக மாறக்கூடாது!

“சில அலட்சியங்கள் தேவையில்லாத அமைதியின்மை மற்றும் மன அழுத்தத்தை ஏற்படுத்தக்கூடியவை. இத்தகைய தவறுகள் உங்களிடம் ஏற்படாமல் இருக்க, இதை செய்யுங்கள்...”

- பிரபா அக்னிஹோத்ரி

ராதாவின் மாமியாருக்கு திடீரென நெஞ்சு வலி ஏற்பட்டது. கணவர் ஆனந்த் விரைவாக சொர்பிடேட் மாத்திரை கொண்டு வரும்படி கூறினான். ஆனால் ராதா ஒவ்வொரு டிராயரையும் திறந்து மாத்திரையை தேடினாள், எங்கும் கிடைக்கவில்லை. மருந்தகத்தில் இருந்து வாங்கி வந்தால், அவசரத்துக்கு உதவியாக இருக்கும் என்று அடிக்கடி நினைப்பதுண்டு. ஆனால் இப்போது என்ன செய்ய... எப்படியோ, அவள் அண்டை வீட்டுக்காரரிடம் இருந்து மாத்திரை வாங்கி வந்து மாமியாருக்கு கொடுத்தாள். சரியான நேரத்தில் சொர்பிடேட் கொடுத்ததால் உயிர் பிழைத்தார் என மருத்துவமனையில் டாக்டர் சொன்னார். அப்போது ராதாவுக்கு தனது அலட்சியத்தின் மீது மிகவும் கோபம் வந்தது.

ஆஷாவின் மாமனார் மற்றும் மாமியார் இருவரும் நீண்ட காலமாக உடல்நிலை சரியில்லாமல் இருந்தனர். அவர்களுக்கு மருந்து கொடுப்பது ஆஷாவின் பொறுப்பு. ஒரு நாள், அவள் மாமனாரின் பி.பி மாத்திரையை தவறுதலாக மாமியாருக்கு கொடுத்துவிட்டாள். மாத்திரை சாப்பிட்டதும், மாமியார் கீழே விழுந்து மூர்ச்சையாகி விட்டார். மாமியார் லோ பி.பி நோயாளி, ஹை பி.பி மாத்திரை சாப்பிட்டதால், பி.பி மேலும் குறைந்துவிட்டது. உடனே அவளை மருத்துவமனைக்கு கொண்டு சென்றார்கள். மிகவும் சிரமப்பட்டு மாமியார் உயிரை காப்பாற்ற வேண்டியதாயிற்று.

சிறிய தவறுகள்

கவிதாவின் சகோதரர் திருமணத்திற்கு செல்ல வங்கி லாக்கரில் இருந்து நகைகளை எடுக்க வேண்டும். ஆனால் இரண்டு நாட்களாக லாக்கர் சாவி கிடைக்கவில்லை. பல இடங்களில் தேடியும் சாவி கிடைக்காததால், கணவர் ஆகாஷிடம் சொன்னாள். "கடைசியாக நீ லாக்கருக்கு சென்றபோது, சாவி தொலைந்து விட்டது, வங்கிக்கு தகவல் கொடுத்தாய். பிறகு புதிய சாவியை வாங்கவே இல்லை" ஆகாஷ் சொன்னார்