ભૂતકાળ ભૂલી જાઓ

ભૂતકાળની વાતને જાણ્યા પછી વિશાલના મનમાં પ્રેમિકા કૃતિ માટે નફરતભર્યા વિચાર આવી ગયા. આખરે એવું તે શું જાણી ચૂક્યો હતો કૃતિ વિશે અને શું બધું જ જાણ્યા પછી તે કૃતિને અપનાવી શક્યો...

- 

વિશાલ મચ પર ખૂબ ગુસ્સો આવ્યો. માન્યું કે તે તેનો ખૂબ નજીકનો મિત્ર છે, પરંતુ તેનો એ અર્થ નથી કે તે ઈચ્છે ત્યારે ગમે તેવો વ્યવહાર કરે. આજે કોઈ વાત પર જ્યારે બોસે તેને ઠપકો આપ્યો ત્યારે તેમની સામે તે મૌન રહ્યો, પરંતુ પાછળથી મજાક ઉડાવવા લાગ્યો. તે તેને સમજાવતો રહ્યો, પરંતુ તે તેને ચિડવતો રહ્યો. અંતે તેણે તેને ખૂબ ખરુંખોટું સંભળાવી દીધું. જવાબમાં તેણે જે કહ્યું તે સાંભળીને તે ચોંકી ગયો. તેણે કહ્યું હતું, “તારી ગર્લફ્રેન્ડ કૃતિએ તારા પહેલાં મને પ્રપોઝ કર્યું હતું. જેને તું તારી ગર્લફ્રેન્ડ સમજી રહ્યો છે, તે સેકન્ડ હેન્ડ ગર્લફ્રેન્ડ છે.’

પહેલા આ વાત સાંભળીને તે ચોંકી ગયો. પછી તેને લાગ્યું કે તેણે આપેલા ઠપકાના જવાબમાં કદાચ ગુસ્સામાં તેણે આ વાત કરી હશે. તે માટે તેને દુખી કરવા આવું બોલી રહ્યો હશે. જોકે તેને સૂરજની વાત પર વિશ્વાસ ન થયો. આ સમયે લોકોએ બંનેને સમજાવીને છૂટા પાડ્યા હતા.

જોકે આ વાત સાંભળ્યા પછી વિશાલના મનમાં શંકાના બીજ જરૂ૨ વવાઈ ગયા હતા. પહેલા તેણે વિચાર્યું કે કોલ કરીને તેને પૂછી લે, પરંતુ કંઈક વિચારીને તેને રૂબરૂ મળીને વાત કરવાનું મન બનાવી લીધું, પરંતુ દિવસરાત તેના મનમાં એ જ વિચાર આવી રહ્યા હતા કે કૃતિ જેને તે પોતાની ગર્લફ્રેન્ડ સમજે છે તે શું બીજા કોઈને પ્રેમ કરે છે.

બંને લગભગ દરેક રજામાં મળતા હતા અને કલાકો સાથે પસાર કરતા હતા. હવે પછીની રજાના દિવસે જ્યારે વિશાલની મુલાકાત કૃતિ સાથે થઈ ત્યારે તેનો જોઈએ તેવો મૂડ નહોતો. કૃતિને પણ તેનો વ્યવહાર થોડો વિચિત્ર જરૂર લાગ્યો હતો.

“શું વાત છે વિશાલ, તારી તબિયત તો ઠીક છે ને?” કૃતિએ પૂછ્યું.

“તબિયત તો ઠીક છે, પણ મનમાં એક પ્રશ્ન છે જે મને સતત પરેશાન કરી રહ્યો છે. મારે તારો જવાબ જોઈએ છે.’’ વિશાલે કહ્યું.

“મારી પાસેથી? એવો તે કયો પ્રશ્ન થાય છે જેનો જવાબ તારે મારી પાસેથી જોઈએ છે? શું હું કોઈ પ્રોફેસર છું?’ કૃતિએ વાતને થોડી હળવાશમાં લીધી અને હસીને કહ્યું.