అడుగు జాడలు...

దివ్యజనని శ్రీశారదాదేవి ప్రత్యక్ష శిష్యులైన స్వామి శారదేశానందజీ (1892-1988) రామకృష్ణ సంఘంలో ఎంతో గౌరవాన్నీ, ప్రేమాభిమానాలనూ చూరగొన్న గొప్ప సన్న్యాసి.

- 

దివ్యజనని శ్రీశారదాదేవి ప్రత్యక్ష శిష్యులైన స్వామి శారదేశానందజీ (1892-1988) రామకృష్ణ సంఘంలో ఎంతో గౌరవాన్నీ, ప్రేమాభిమానాలనూ చూరగొన్న గొప్ప సన్న్యాసి.ఆయన తపోమయ జీవితం, సేవాదర్శాలు అనేకమంది సాధువులకూ, భక్తులకూ స్ఫూర్తిమంతంగా నిలిచాయి. ఆధ్యాత్మిక సాధకులకు, ముఖ్యంగా రామకృష్ణ వివేకానంద భావధారలో ఉన్నవారికి ఆ మహనీయుని జీవిత విశేషాలు, ఆయన చేసిన సూచనలు ఉపయుక్తంగా ఉంటాయని తలచి, 2024 జనవరి సంచిక నుంచి వాటిని ధారావాహికగా ప్రచురిస్తున్నాం.

స్వామి శారదేశానంద నిరాడంబరమైన సాధు సన్న్యాసి.మౌనమే ఆయన ఆహార్యం. చెరగని చిరునవ్వు, వదనంలో నిర్మలమైన ప్రశాంతతే ఆయన ఆస్తి. తొంభై ఆరేళ్ళ తన జీవితంలో దాదాపు డెబ్బై సంవత్సరాలు ఆ 'మూర్తిత్రయం' నామస్మరణే తన శ్వాస, జీవిత పరమగమ్యంగా జీవించిన ధన్యజీవి. సహేతుక దృష్టి, వాస్తవిక కోణంలో ఆలోచించే ఈ సాధు పుంగవుడు 'దైనందిన జీవితంలో మానవుడు ఎదుర్కొనే మానసిక సమస్యలన్నింటికీ ఆధ్యాత్మిక జీవన విధానమే పరిష్కారం' అని మార్గం చూపిన మహనీయుడు. అనంతమైన ఆధ్యాత్మిక పయనంలో ముందు పడేది ఒక్క అడుగే! అటువైపు అడుగులు వడివడిగా ముందుకు సాగాలంటే ఇష్టదైవం పట్ల భక్తి, నమ్మకం, అపారమైన విశ్వాసంతోపాటు అందుకు అనుగుణంగా తన

జీవన విధానమూ ఉండాలని ఆచరణాత్మకంగా నిరూపించిన ధన్యజీవి స్వామి శారదేశానంద. వారు అడుగడుగునా ఆధ్యాత్మిక పరిమళాలను వెదజల్లుతూ ధర్మబద్ధమైన, సత్యవ్రతమైన జీవితాన్ని గడుపుతూ రామకృష్ణులవారి కృపాకటాక్షాలకు పాత్రులయ్యారు.యువప్రాయంలోనే ఆయన ఆ మూర్తిత్రయం వైపు వేసిన అడుగులు ఆయనను ఓ మహనీయునిగా తీర్చిదిద్దాయి.

రామకృష్ణ సంఘంలో ఆయన నిరాడంబర జీవన విధానం, ఆచరించిన విధానాలు ఎంతోమంది యువ సన్న్యాసులకే కాదు భక్తులకు సైతం మార్గదర్శనం చేస్తాయి.

రామకృష్ణ సంఘం వైపు పడిన అడుగులు