പാൽപ്പായസ മധുരവുമായി അമ്പലപ്പുഴ നാടകശാലസദ്യ

അമ്പലപ്പുഴ പ്രശസ്തമായ നാടകശാലസദ്യ മാർച്ച് 13

- എസ്.പി.ജെ

അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിലെ ഒമ്പതാംദിന ഉത്സവത്തിനാണ് പ്രശസ്തമായ നാടകശാലസദ്യ. ഭക്ത സഹസ്രങ്ങൾ അന്ന് ഉച്ചയ്ക്ക് നാടകശാലയിൽ പങ്കെടുത്ത് നിർവൃതി നേടും. വില്വമംഗലം സ്വാമിയാർക്ക് ഭഗവത് ദർശനം ലഭിച്ചതിന്റെ ഓർമ്മ പുതുക്കൽ കൂടിയാണ നാടകശാലസദ്യ. തൂശനിലയിൽ വിഭവസമൃദ്ധമായ സദ്യ വിളമ്പിയതിന് ശേഷമാണ് ഭക്തരെ അകത്തേയ്ക്ക് പ്രവേശിപ്പിക്കുന്നത്. അമ്പലപ്പുഴ പാൽപ്പായസം ഉൾപ്പെടെ 43 ലധികം വിഭവങ്ങളാണ് നാടക ശാലസദ്യയിൽ വിളമ്പുന്നത്. കക്കാഴം നാലു പറ ശ്രീകൃഷ്ണ കാറ്ററിംഗ് രാജേഷ്കുമാറാണ് പതിറ്റാണ്ടുകളായി നാടകശാലസദ്യ മുഖ്യ പാചകക്കാരൻ.

നാടകശാലസദ്യയുടെ ഐതിഹ്യം

അമ്പലപ്പുഴ ശ്രീകൃഷ്ണസ്വാമി ക്ഷേത്രത്തിൽ ഒമ്പതാംദിന ഉത്സവദിനം ക്ഷേത്ര ജീവ നക്കാർക്കായി ചെമ്പകശ്ശേരി രാജാവ് നാടക ശാലയിൽ വിഭവസമൃദ്ധമായ സദ്യ നൽകിയി രുന്നു. വില്വമംഗലം സ്വാമിയാർ ഒമ്പതാംദിന ഉത്സവത്തിന് ക്ഷേത്ര സന്നിധിയിലെത്തി. ഉച്ച പൂജ ദർശനത്തിനായി വില്വമംഗലം എത്തിയപ്പോൾ ഭഗവാന്നിധ്യം ക്ഷേത്രത്തിൽ ഇല്ലെന്ന് സ്വാമിയാർക്ക് മനസ്സിലായി.

ഭഗവാനെ അന്വേഷിച്ച് വില്വമംഗലം സ്വാമിയാർ ക്ഷേത്രപരിസരത്ത് അലഞ്ഞു. ഒടുവിൽ സ്വാമിയാർ നാടകശാലയിൽ എത്തിയപ്പോൾ ക്ഷേത്രജീവനക്കാർക്ക് നെയ്യ് വിളമ്പുന്ന ഉണ്ണിക്കണ്ണ

നെയാണ് വില്വമംഗലം കാണുന്നത്.